ស្វែងរក - ស្វែងរកអត្ថបទពេញលេញ
មុខងារស្វែងរកអត្ថបទពេញលេញក្នុងជំនួយរបស់ LibreOffice អនុញ្ញាតឲ្យអ្នកស្វែងរកឯកសារជំនួយ ដែលមានបន្សំមួយចំនួននៃពាក្យស្វែងរក ។ ដើម្បីធ្វើដូចនេះ វាយបញ្ចូលពាក្យមួយ ឬ ច្រើនទៅលក្នុងវាល ពាក្យស្វែងរក ។
វាល ពាក្យស្វែងរក រក្សាទុកពាក្យដែលអ្នកបានបញ្ចូលចុងក្រោយ ។ ដើម្បីធ្វើការស្វែងរកពាក្យមុនម្តងទៀត ចុចរូបតំណាងព្រួញ និង ជ្រើសពាក្យពីបញ្ជី ។
បន្ទាប់ពីបានអនុវត្តការស្វែងរក ក្បាលឯកសារនៃលទ្ធផលទាំងអស់គឺលេចឡើងនៅក្នុងបញ្ជី ។ អាចចុចទ្វេដងលើធាតុក៏បាន ឬជ្រើសវា ហើយចុច បង្ហាញ ក៏បាន ដើម្បីផ្ទុកឯកសារជំនួយដែលត្រូវគ្នា ។
ប្រើប្រអប់ធីក ស្វែងរកតែក្នុងក្បាល ដើម្បីកំណត់ការស្វែងរកក្បាលឯកសារ ។
ប្រអប់ធីក តែពាក្យពេញប៉ុណ្ណោះ អនុញ្ញាតឲ្យអ្នកធ្វើការស្វែងរកជាក់លាក់មួយ ។ ប្រសិនបើប្រអប់នេះត្រូវបានធីក នោះរកមិនឃើញពាក្យមិនពេញលេញ ។ កុំធីកប្រអប់ធីកនេះ ប្រសិនបើពាក្យស្វែងរកដែលអ្នកបញ្ចូល គួរតែរកឃើញផងដែរនូវផ្នែកនៃពាក្យវែងៗ ។
អ្នកអាចបញ្ចូលការបន្សំណាមួយរបស់ពាក្យដែលត្រូវស្វែងរក ដោយបំបែកដោយដកឃ្លា ។ ការស្វែងរកគឺមិនប្រកាន់អក្សរតូចធំទេ ។
ការស្វែងរកតាមអត្ថបទពេញលេញ និង តាមលិបិក្រមតែងតែអនុវត្តទៅកាន់កម្មវិធី LibreOffice ដែលបានជ្រើស ។ ជ្រើសកម្មវិធីដែលសមស្រប ដោយប្រើប្រអប់បញ្ជីលើរបារឧបករណ៍របស់អ្នកមើលជំនួយ ។