អ្នកជំនួយការគំនូសតាង - ស៊េរីទិន្នន័យ
នៅក្នុងទំព័រនេះរបស់អ្នកជំនួយការគំនូសតាង អ្នកអាចផ្លាស់ប្ដូរជួរប្រភពរបស់ស៊េរីទិន្នន័យទាំងអស់ដោយឡែកៗពីគ្នា រួមទាំងស្លាករបស់ពួកវា ។ អ្នកក៏អាចផ្លាស់ប្ដូរជួររបស់ប្រភេទ ។ ជាដំបូងអ្នកអាចជ្រើសជួរទិន្នន័យនៅក្នុងទំព័រជួរទិន្នន័យ ហើយបន្ទាប់មកយកស៊េរីទិន្នន័យដែលមិនចាំបាច់ចេញ ឬបន្ថែមស៊េរីទិន្នន័យពីក្រឡាផ្សេងនៅទីនេះ ។
ប្រសិនបើមានជម្រើសច្រើនពេកនៅលើទំព័រនេះ គ្រាន់តែកំណត់ជួរទិន្នន័យនៅលើអ្នកជំនួយការគំនូសតាង-ទំព័រជួរទិន្នន័យ ហើយរំលងទំព័រនេះ ។
ប្រអប់នេះគឺអាចប្រើបានតែសម្រាប់គំនូសតាងដែលមានមូលដ្ឋានលើតារាង Calc ឬ Writer ប៉ុណ្ណោះ ។
ការរៀបចំស៊េរីទិន្នន័យ
នៅក្នុងប្រអប់បញ្ជីស៊េរីទិន្នន័យ អ្នកអាចឃើញបញ្ជីរបស់ស៊េរីទិន្នន័យទាំងអស់នៅក្នុងគំនូសតាងបច្ចុប្បន្ន ។
-
ដើម្បីរៀបចំស៊េរីទិន្នន័យ ជ្រើសធាតុមួយនៅក្នុងបញ្ជី ។
-
ចុចបន្ថែម ដើម្បីបន្ថែមស៊េរីទិន្នន័យផ្សេងទៀតខាងក្រោមធាតុដែលបានជ្រើស ។ ស៊េរីទិន្នន័យថ្មីមានប្រភេទដូចគ្នានឹងធាតុដែលបានជ្រើស ។
-
ចុចយកចេញ ដើម្បីយកធាតុដែលបានជ្រើសចេញពីបញ្ជីស៊េរីទិន្នន័យ ។
-
ប្រើប៊ូតុងព្រួញឡើងលើ និងចុះក្រោមដើម្បីផ្លាស់ទីធាតុដែលបានជ្រើសនៅក្នុងបញ្ជីឡើងលើ ឬចុះក្រោម ។ វាមិនផ្លាស់ប្ដូរលំដាប់នៅក្នុងតារាងប្រភពទិន្នន័យទេ ប៉ុន្តែផ្លាស់ប្ដូរតែការរៀបចំនៅក្នុងគំនូសតាង ។
ការកែសម្រួលស៊េរីទិន្នន័យ
-
ចុចលើធាតុណាមួយនៅក្នុងបញ្ជី ដើម្បីមើល និងកែសម្រួលលក្ខណសម្បត្តិសម្រាប់ធាតុនោះ ។
នៅក្នុងប្រអប់បញ្ជីជួរទិន្នន័យ អ្នកឃើញឈ្មោះតួនាទី និងជួរក្រឡារបស់សមាសធាតុស៊េរីទិន្នន័យ ។
-
ចុដលើធាតុមួយ បន្ទាប់មកកែសម្រួលមាតិកានៅក្នុងប្រអប់អត្ថបទខាងក្រោម ។
ស្លាកនៅជាប់នឹងប្រអប់អត្ថបទបង្ហាញតួនាទីដែលបានជ្រើសបច្ចុប្បន្ន ។
-
បញ្ចូលជួរ ឬចុចជ្រើសជួរទិន្នន័យ ដើម្បីបង្រួមប្រអប់អប្បបរមា ហើយជ្រើសជួរដោយប្រើកណ្ដុរ ។
ប្រសិនបើអ្នកចង់បានជួរទិន្នន័យនៃផ្ទៃក្រឡាច្រើន ដែលមិននៅជាប់គ្នា គឺត្រូវបញ្ចូលជួរទីមួយ បន្ទាប់មកបន្ថែមសញ្ញា (;) ដោយដៃនៅចុងប្រអប់អត្ថបទ បន្ទាប់មកបញ្ចូលជួរផ្សេងទៀត ។ ប្រើសញ្ញា (;)ជាតួអក្សរបំបែកជួរ ។
ជួរសម្រាប់តួនាទីទិន្នន័យ ដូចជាតម្លៃ Y មិនត្រូវរួមបញ្ចូលក្រឡាស្លាកទេ ។
ការកែសម្រួលប្រភេទ ឬស្លាកទិន្នន័យ
-
បញ្ចូល ឬជ្រើសជួរក្រឡាមួយដែលនឹងត្រូវបានប្រើជាអត្ថបទសម្រាប់ប្រភេទ ឬស្លាកទិន្នន័យ ។
ដោយអាស្រ័យលើប្រភេទគំនូសតាង អត្ថបទត្រូវបានបង្ហាញនៅលើអ័ក្ស X ឬជាស្លាកទិន្នន័យ ។