ប្រភេទគំនូសតាងជួរឈរ និងបន្ទាត់

នៅក្នុងទំព័រទី ១ នៃអ្នកជំនួយការគំនូសតាង អ្នកអាចជ្រើសប្រភេទគំនូសតាងមួយ ។

ដើម្បីប្រើបញ្ជានេះ...

Choose Insert - Chart...

Insert Chart

ជួរឈរ និងបន្ទាត់

គំនូសតាងជួរឈរ និងបន្ទាត់គឺជាបន្សំរបស់គំនូសតាងជួរឈរ ជាមួយនឹងគំនូសតាងបន្ទាត់ ។

ជ្រើសវ៉ារ្យង់មួយក្នុងចំណោមវ៉ារ្យង់ទាំងនេះ

ជួរឈរ និងបន្ទាត់ ។ ចតុកោណកែងរបស់ស៊េរីទិន្នន័យជួរឈរត្រូវបានគូរម្ដងមួយៗ ដូច្នេះអ្នកអាចប្រៀបធៀបតម្លៃរបស់ពួកវា ។
បន្ទាត់ និងជួរឈរជាជង់ ។ រាងចតុកោណកែងរបស់ស៊េរីទិន្នន័យជួរឈរត្រូវបានគូរជាជង់ខាងលើគ្នា ដូច្នេះកម្ពស់របស់ជួរឈរមើលឃើញផលបូករបស់តម្លៃទិន្នន័យ ។

អ្នកអាចបញ្ចូលអ័ក្ស y រងដោយបញ្ចូល - អ័ក្ស បន្ទាប់មកពីអ្នកបញ្ចប់អ្នកជំនួយការ ។

ដើម្បីបញ្ជាក់ជួរទិន្នន័យមួយ

ជួរឈរនៅខាងឆ្វេងបំផុត (ឬជួរដេកកំពូល) របស់ជួរទិន្នន័យដែលបានជ្រើសផ្ដល់នូវទិន្នន័យ ដែលត្រូវបានបង្ហាញជាវត្ថុជួរឈរ ។ ជួរឈរ ឬជួរដេកផ្សេងទៀតរបស់ជួរទិន្នន័យផ្ដល់នូវទិន្នន័យសម្រាប់វត្ថុបន្ទាត់ ។ អ្នកអាចផ្លាស់ប្ដូរការផ្ដល់នេះនៅក្នុងប្រអប់ជួរទិន្នន័យ ។

ជ្រើសជួរទិន្នន័យ
ចុចលើជម្រើសមួយក្នុងចំណោមជម្រើសទាំងនេះសម្រាប់ស៊េរីទិន្នន័យនៅក្នុងជួរដេក និងជួរឈរ ។
ពិនិត្យថាតើ ជួរទិន្នន័យមានស្លាកនៅក្នុងជួរដេកដំបូង ឬនៅក្នុងជួរឈរទីមួយ ឬទាំងពីរ ។

ការរៀបចំស៊េរីទិន្នន័យ

នៅក្នុងប្រអប់បញ្ជីស៊េរីទិន្នន័យ អ្នកអាចឃើញបញ្ជីរបស់ស៊េរីទិន្នន័យទាំងអស់នៅក្នុងគំនូសតាងបច្ចុប្បន្ន ។

ស៊េរីទិន្នន័យជួរឈរត្រូវបានកំណត់ទីតាំងនៅកំពូលរបស់បញ្ជី ស៊េរីទិន្នន័យបន្ទាត់នៅបាតរបស់បញ្ជី ។

ដើម្បីរៀបចំស៊េរីទិន្នន័យ ជ្រើសធាតុមួយនៅក្នុងបញ្ជី ។
ចុចបន្ថែម ដើម្បីបន្ថែមស៊េរីទិន្នន័យផ្សេងទៀតខាងក្រោមធាតុដែលបានជ្រើស ។ ស៊េរីទិន្នន័យថ្មីមានប្រភេទដូចគ្នានឹងធាតុដែលបានជ្រើស ។
ចុចយកចេញ ដើម្បីយកធាតុដែលបានជ្រើសចេញពីបញ្ជីស៊េរីទិន្នន័យ ។
ប្រើប៊ូតុងព្រួញឡើងលើ ឬចុះក្រោមដើម្បីផ្លាស់ទីធាតុដែលបានជ្រើសនៅក្នុងបញ្ជីខាងលើ ឬខាងក្រោម ។ វិធីនេះ អ្នកអាចបម្លែងស៊េរីទិន្នន័យជួរឈរទៅជាស៊េរីទិន្នន័យបញ្ជី និងបម្លែងត្រឡប់វិញ ។ វាមិនផ្លាស់ប្ដូរលំដាប់នៅក្នុងតារាងប្រភពទិន្នន័យ ប៉ុន្តែផ្លាស់ប្ដូរតែការរៀបចំនៅក្នុងគំនូសតាង ។

ការកែសម្រួលស៊េរីទិន្នន័យ

ចុចលើធាតុណាមួយនៅក្នុងបញ្ជី ដើម្បីមើល និងកែសម្រួលលក្ខណសម្បត្តិសម្រាប់ធាតុនោះ ។

នៅក្នុងប្រអប់បញ្ជីជួរទិន្នន័យ អ្នកឃើញឈ្មោះតួនាទី និងជួរក្រឡារបស់សមាសធាតុស៊េរីទិន្នន័យ ។
ចុដលើធាតុមួយ បន្ទាប់មកកែសម្រួលមាតិកានៅក្នុងប្រអប់អត្ថបទខាងក្រោម ។

ស្លាកនៅជាប់នឹងប្រអប់អត្ថបទបង្ហាញតួនាទីដែលបានជ្រើសបច្ចុប្បន្ន ។
បញ្ចូលជួរ ឬចុចជ្រើសជួរទិន្នន័យ ដើម្បីបង្រួមប្រអប់អប្បបរមា ហើយជ្រើសជួរដោយប្រើកណ្ដុរ ។

ជួរសម្រាប់តួនាទីទិន្នន័យ ដូចជាតម្លៃ Y មិនត្រូវរួមបញ្ចូលក្រឡាស្លាកទេ ។