Pomoc za LibreOffice 25.2
Wobsahowy wodźenski elementy je zastupowacy tekst, w kotrymž so aktualny wobsah wuměnja, hdyž do wodźenskeho elementa klikaće. Wobsahowe wodźenske elementy su indiwiduelne wodźenske elementy, kotrež dadźa so předłoham, formularam a dokumentam přidać a za wužiwanje přiměrić. Wobsahowe wodźenske elementy móža instrukcije k dispoziciji stajić a wodźenske elementy nastajić so zhubić, hdyž wužiwarjo swój tekst zapodawaja.
Wobsahowe wodźenske elementy maja wjele kajkosćow a su podobne na zestarjene wodźenske elementy, ale da so z nimi lóšo dźěłać a dadźa so formatěrować.
Wobsahuje swójski sformatěrowany tekst abo druhe elementy, na přikład tabele, wobrazy abo druhe wobsahowe wodźenske elementy.
Wobsahowy wodźenski element luteho teksta je na luty tekst w jednym wotstawku abo we wjacorych wotstawkach wobmjezowany. Na rozdźěl wot rich text njemóže druhe elementy kaž na přikład tabele, wobrazy abo druhe wobsahowe wodźenske elementy wobsahować.
Wobsahuje jednotliwy wobraz, kotryž je jako jako-znamješko zakótwjeny. Hdyž na wobsahowy wodźenski element klikaće, so dialog „Dataju wočinić“ wočinja, zo by wuměnu za wobrazowy zastupowacy tekst k dispoziciji stajił.
Wobsahuje jednotliwe znamješko kontrolneho kašćika, z kotrymž móžeće interagěrować. Hdyž na wobsahowy wodźenski element klikaće, so kontrolny status kontrolneho kašćika změni.
Wobsahuje wuběranski meni lisćinowych zapiskow, kotrež móžeće wubrać a tekstowe polo, kotrež móžeće direktnje wobdźěłać.
Wobsahuje wuběranske tłóčatko z lisćinu pokazowanskeho teksta a hódnotowe pory. Na rozdźěl wot kombinaciskeho pola wuběranska lisćina wužiwarjam njezmóžnja, swójske zapodaće přewjesć.
Wobsahuje protykowy wodźenski element. Wobmjezuje tekst na jednotliwy wotstawk.