Statusowa lajsta

Statusowa lajsta informacije wo aktualnym dokumenće wobsahuje a skići wšelake tłóčatka z wosebitymi funkcijemi. Móžeće na najwjace zapiskow statusoweje lajsty kliknyć, zo byšće přisłušne dialogowe wokno wočinił.

Dokumentowa změna

Jeli změny na dokumenće hišće njejsu so składowali, so čerwjeny symbol w tutym polu na statusowej lajsće pokazuje. To tež za nowe, hišće njeskładowane dokumenty płaći.

Čisło strony

Aktualne čisło strony so w tutym polu statusoweje lajsty pokazuje. Kliknjenje dialog „K stronje přeńć“ wočinja, z kotrymž móžeće w dokumenće nawigěrować. Kliknjenje z prawej tastu wšě zapołožki w dokumenće pokazuje. Klikńće na zapołožku, zo byšće tekstowy kursor na městnje zapołožki pozicioněrował.

Ličenje słowow

Liči słowa a znamješka, z mjezotami abo bjez mjezotow, w aktualnym wuběrje a w cyłym dokumenće. Ličenje so běžnje aktualizuje, hdyž zapodawaće abo wuběr měnjeće.

Skombinowane pokazanje

Pokazuje aktualne informacije wo elemenće dokumenta na poziciji kursora.

Přepruwowanje bjezbarjernosće

Přepruwowanje častych problemow z bjezbarjernosću w dokumenće a podpěra za specifikacije PDF/UA w eksportowym dialogu PDF a we wobłuku bjezbarjernosće w bóčnicy.

Aktualna předłoha strony

Pokazuje aktualnu předłohu strony. Klikńće dwójce, zo byšće předłohu wobdźěłał, klikńće z prawej tastu, zo byšće druhu předłohu wubrał.

Rěč

Pokazuje rěč za wubrany tekst. Klikńće, zo byšće meni wočinił, hdźež móžeće druhu rěč za wubrany tekst abo za aktualny wotstawk wubrać.

Wubjerće Žane (prawopis njekontrolować), zo byšće tekst z prawopisneje kontrole a dźělenja złóžkow wuzamknył.
Wubjerće Na standardnu rěč wróćo stajić, zo byšće standardnu rěč za aktualny wotstawk zaso nałožił.
Wubjerće Wjace…, zo byšće dialog „Znamješko“ z dalšimi móžnosćemi za formatěrowanje wočinił.

Zasadźenski modus

Pokazuje aktualny zasadźenski modus. Móžeće mjez ZASDŹ = zasadźić a PŘEP = přepisać přepinać.

Wuběranski modus

Přepina mjez rozdźělnymi modusami.

Digitalna signatura

Klikńće, zo byšće proces digitalneje signatury startował. Dyrbiće digitalny certifikat měć, zo byšće proces dokónčił. Hlejće tež Digitalne signatury.

Outline

Displays the different formats that you can apply to a hierarchical list. LibreOffice supports up to nine outline levels in a list hierarchy.

Napohladne wuhotowanje

Tři wodźenske elementy w statusowej lajsće Writer wam zmóžnjeja, měritko a napohlad wuhotowanja wašeho tekstoweho dokumenta změnić.

Symbole napohladne wuhotowanje wotlěwa doprawa: Jednošpaltowy napohlad. Napohladny modus ze stronami jedna pódla druheje. Knižny napohlad z dwěmaj stronomaj kaž we wočinjenej knize.

Ćehńće měritkowy suwak dolěwa, zo byšće dalše strony pokazał a ćehńće doprawa, zo byšće do strony skalował a mjeńši wobłuk strony pokazał.

Měritko

Podawa aktualne měritko za pokazanje strony.

Klikńće na tute polo, zo byšće dialog Měritko wočinił, hdźež móžeće aktualne měritko změnić.

Klikńće z prawej tastu, zo byšće kontekstowy meni w tutym polu wočinił, zo byšće wuběr k dispoziciji stejacych měritkow widźał.