Słowa ličić

1. Ličba słowow a znamješkow so w statusowej lajsće pokazujetej, a dźeržitej so za wobdźěłanje aktualnej.

2. Ličba słowow a znamješkow za wotrězk so w Nawigatorje jako pomocny tekst pokazuje, hdyž pokazowak myški je nad mjenom tutoho wotrězka.

3. Jeli chceće jenož we wěstym tekstowym wotrězku ličić, wubjerće tekstowy wotrězk.

4. Zo byšće rozšěrjenu statistiku kaž na přikład ličbu bjez mjezotow pokazał, klikńće dwójce na ličbu słowow w statusowej lajsće abo wubjerće Nastroje – Ličenje słowow….

Kak LibreOffice słowa liči?

Zwjetša kóždy znamješkowy rjećazk mjez dwěmaj mjezotomaj je słowo. Wjazawki, tabulatory, łamanja linkow a wotstawkowe łamanja su tež słowne dźělatka.

Słowa z přeco widźomnymi dźělatkami kaž w plug-in, add-on, wužiwar/nastajenja so jako jedne separatne słowo liča.

Słowa móža měšeńca pismikow, ličbow a wosebitych znamješkow być. Tohodla so slědowacy tekst ze štyrjoch słowow zestaja: abc123 1.23 "$" http://www.přikład.com.

Zo byšće swójske znamješko přidał, kotrež ma słowne wobmjezowanje być, wubjerće – LibreOffice Writer – Powšitkowne a zapodajće znamješko do pola Přidatne dźělatka. Po standardźe tute polo EM DASH (—) a EN DASH (–) wobsahuje.