Pomoc za LibreOffice 25.2
Wužiwajće tezawrus, zo byšće za synonymami abo podobnymi zapřijećemi pytał.
Klikńće na słowo, kotrež chceće pytać abo wuměnić.
Wubjerće Nastroje – Tezawrus… abo tłóčće cmd ⌘Strg+F7.
Klikńće w lisćinje Alternatiwy na zapisk, zo byšće podobne zapřijeće do pola „Wuměnić z“ kopěrował.
Klikńće na přeće na zapisk, zo byšće podobne zapřijeća za tutón zapisk pytał. Na swojej tastaturje móžeće tež šipk horje (↑) abo šipk dele (↓) tłóčić, zo byšće zapisk wubrał. Tłóčće potom na Enter, zo byšće wuměnił, abo tłóčće prózdnu tastu, zo byšće pytał.
Klikńće na Wuměnić.
Na spočatku tezawrus rěč wubraneho słowa w dokumenće wužiwa, jeli biblioteka tezawrusa za tu rěč je instalowana. Titulna lajsta dialoga Tezawrus rěč pokazuje, kotraž so wužiwa.
Zo byšće słowo w druhej rěči pytał, klikńće na tłóčatko Rěč a wubjerće jednu z instalowanych rěčow z tezawrusom. Biblioteka tezawrusa snano za wšě instalowane rěče k dispoziciji njeje. Móžeće rěče z biblioteku tezawrusa wot webstrony Rozšěrjenja instalować.
Jeli biblioteka tezawrusa je za rěč słowa instalowana, kontekstowy meni słowa podmeni ze synonymami pokazuje. Wubjerće jedne ze zapřijećow z podmenija, zo byšće słowo wuměnił.