Čisłowanje přidać

Lisćinje čisłowanje přidać

1. Wubjerće wotstawki, kotrymž chceće čisłowanje přidać.

2. Přewjedźće jedyn ze slědowacych krokow:

• Klikńće na symbol Rjadowanu lisćinu přepinać w symbolowej lajsće Formatěrowanje (F12)

• Klikńće z prawej tastu, wubjerće Lisćina a potom lisćinowu předłohu.

Wotstawkowa předłoha da so konfigurować, zo by so čisłowanje přidało.

Wotstawki z rjadowaneje lisćiny wotstronić

Zo byšće čisłowanje wotstronił, wubjerće čisłowane wotstawki, klikńće potom na symbol Rjadowanu lisćinu přepinać abo symbol Žana lisćina w symbolowej lajsće Formatěrowanje.

Rjadowanu lisćinu formatěrować

Zo byšće formatěrowanje čisłowaneje lisćiny změnił, přewjedźće jedyn ze slědowacych krokow:

• Klikńće do lisćiny, wubjerće Format – Naličenske znamješka a čisłowanje….

• Klikńće z prawej tastu do lisćiny, wubjerće potom Lisćina – Naličenske znamješka a čisłowanje….

Zo byšće hierarchiju rjadowaneje lisćiny změnił, klikńće do lisćiny a wužiwajće potom symbole w symbolowej lajsće Naličenske znamješka a čisłowanje.

Hdyž so zapisk z čisłowaneje lisćiny do noweho městna kopěruje abo přesuwa, so čisłowanje lisćiny pokročuje. Zo byšće nowe čisłowanje ze zasadźenym zapiskom započał, klikńće dwójce na Rjadowanu lisćinu přepinać. Formatěrowanja zasadźeneho zapiska so na standard wróćo stajeja.