Dźělenje złóžkow wužiwać
Po standardźe LibreOffice słowa, kotrež so do linki njehodźa, do přichodneje linki přesuwa. Jeli chceće, móžeće awtomatiske abo manuelne dźělenje złóžkow wužiwać, zo byšće tute zadźerženje wobešoł.
Prawidła dźělenja złóžkow so po rěčach rozeznawaja. Zo by so spóznało, hdźež słowo da so dźělić, dyrbiće wotpowědne rozšěrjenje instalować. Jeli prawidła faluja, so zmylkowa zdźělenka abo chorhoj pokaza.
Prawidła dźělenja złóžkow so husto ze słownikami zjednoćeja a z LibreOffice wotwisujo wot wubraneje rěče instaluja. Jeli faluja, pytajće z pytanskim wurazom „hyphenation“ na websydle rozšěrjenjow, zo byšće relewantne rozšěrjenja namakał.
Zhońće wjace wo rěčnej podpěrje w našim wikiju.
Awtomatiske dźělenje złóžkow
Awtomatiske dźělenje złóžkow dźělenske znamjenja tam zasadźuje, hdźež su we wotstawku trěbne. Tute nastajenje je jenož za wotstawkowe předłohi a jednotliwe wotstawki k dispoziciji.
Tekst we wotstawku awtomatisce dźělić
-
Klikńće z prawej tastu do wotstawka a wubjerće Wotstawk – Wotstawk….
-
Klikńće na rajtark Tekstowy běh.
-
Wubjerće we wobłuku Dźělenje złóžkow kontrolny kašćik Awtomatisce.
-
Klikńće na W porjadku.
Tekst we wjacorych wotstawkach awtomatisce dźělić
Jeli chceće wjacore wotstawki awtomatisce dźělić, wužiwajće wotstawkowu předłohu.
Zmóžńće nastajenje za awtomatiske dźělenje złóžkow za wotstawkowu předłohu „Standard“ a nałožće potom předłohu na wotstawki, w kotrychž chceće dźělenje złóžkow přewjesć.
-
Wubjerće Napohlad – Formatowe předłohi a klikńće potom na symbol Wotstawkowe předłohi.
-
Klikńće z prawej tastu na wotstawkowu předłohu, hdźež chceće dźělenje złóžkow přewjesć, a wubjerće potom Změnić….
-
Klikńće na rajtark Tekstowy běh.
-
Wubjerće we wobłuku Dźělenje złóžkow kontrolny kašćik Awtomatisce.
-
Klikńće na W porjadku.
-
Nałožće předłohu na wotstawki, w kotrychž chceće dźělenje złóžkow přewjesć.
Manuelne dźělenje złóžkow
Móžeće na někajkim městnje w lince dźělenske znamješko zasadźić, abo LibreOffice za słowami pytać dać, kotrež so maja dźělić, a potom dźělenje złóžkow namjetować.
Jednotliwe słowa manuelnje dźělić
Zo byšće dźělenske znamješko zasadźił, klikńće na městno słowa, hdźež chceće dźělenske znamješko přidać a tłóčće potom cmd ⌘Strg+wjazawka (-).
Jeli manuelne dźělenske znamješko do słowa zasadźujeće, so słowo na manuelnym dźělenskim znamješku dźěli. Přidatne awtomatiske dźělenje złóžkow na tute słowo njenałožuje. Słowo z manuelnym dźělenskim znamješkom so njedźiwajo na nastajenja na rajtarku Tekstowy běh dźěli.
Tekst we wuběrje manuelnje dźělić
-
Wubjerće tekst, w kotrymž chceće dźělenje złóžkow přewjesć.
-
Wubjerće Nastroje – Rěč – Dźělenje złóžkow….