Titulnu stronu wužiwać

Titulne strony su strony na spočatku dokumenta, kotrež wozjewjenske informacije naspomnjeja, na přikład titul publikacije, mjeno awtora atd. Tute strony maja druhe wuhotowanje hač strony dokumentoweho ćělesa, dokelž čisłowanje stronow nimaja, druhdy maja druhu hłowowu a nohowu linku a samo druhe kromowe nastajenja abo druhi pozadk.

Wjele dokumentow, na přikład listy a rozprawy, ma prěnju stronu, kotraž so wot druhich stronow w dokumenće rozeznawa. Prěnja strona listoweje hłowy na přikład ma zwjetša druhu hłowowu linku abo prěnja strona rozprawy nima snano hłowowu linku abo nohowu linku, mjeztym zo druhe strony ju maja. To móžeće z LibreOffice Writer lochko docpěć.

Hłowowa a nohowa linka strony, čisłowanje, kromy a wusměrjenje su někotre z kajkosćow, kotrež k předłoham strony słušeja. LibreOffice Writer wam zmóžnja, prózdnu titulnu stronu něhdźe we wašim dokumenće zasadźić, abo eksistowacu stronu kaž titulnu stronu formatěrować, hdyž łamanje strony zasadźujeće, kotremuž předłoha strony po wašej wólbje slěduje abo hdyž předłohu strony na poziciji kursora měnjeće.

Hdyž předłohu strony Standard (abo z druhej) za swój dokument wužiwaće, móžeće prěnjej stronje hłowowu abo nohowu linku po přeću přidać, hdyž nastajenje Samsny wobsah na prěnjej stronje w rajtarku Hłowowa linka/Nohowa linka w dialogu Předłoha strony znjemóžnjeće a potom hłowowu linku abo nohowu linku přidawaće. Móžeće potom druhim stronam dokumenta druhu hłowowu abo nohowu linku přidać.

Prěnju stronu dokumenta do titulneje strony přetworić

1. Stajće kursor na prěnju stronu,

2. Wubjerće Format – Titulna strona… z menijoweje lajsty

3. Wubjerće Eksistowace strony do titulnych stronow přetworić

4. Wubjerće předłohu titulneje strony we wobłuku Kajkosće strony wobdźěłać

Po standardźe LibreOffice předłohu strony Prěnja strona wuběra.

5. Postajće nastajenja za wróćostajenje čisłowanja stronow.

6. Klikńće na W porjadku.

To aktualnu předłohu strony do Prěnja strona změni a slědowace strony maja předłohu strony Standard.

Titulnu stronu něhdźe w dokumenće zasadźić

Stajće kursor na městno, hdźež chceće nowu titulnu stronu zasadźić.

1. Wubjerće Format – Titulna strona… z menijoweje lajsty.

2. Wubjerće Nowe titulne strony zasadźić

3. Nastajće ličbu titulnych stronow, kotrež so maja přidać

4. Nastajće čisło strony we wjerćitym polu, zo byšće městno titulneje strony postajił.

5. Postajće nastajenja za wróćostajenje čisłowanja stronow.

6. Klikńće na W porjadku

To łamanje strony zasadźi a aktualnu předłohu strony do Prěnja strona změni. Slědowace strony maja předłohu strony Standard.

Zo byšće titulnu stronu zhašał:

Njemóžeće titulnu stronu zhašeć. Dyrbiće jeje format předłohi strony wot Prěnja strona do někajkeježkuli předłohi strony změnić.

1. Stajće kursor na stronu, hdźež chceće předłohu změnić

2. Wočińće Wobłuk Předłohi bóčnicy a wubjerće Předłohi strony.

3. Wubjerće z lisćiny předłohow strony předłohu strony, kotruž chceće nałožić.

4. Klikńće dwójce na předłohu strony, kotruž chceće nałožić.