Cyły tekstowy dokument zasadźić

Tekstowu dataju zasadźić

1. Stajće kursor w dokumenće na městno, hdźež chceće dataju zasadźić.

2. Wubjerće Zasadźić – Tekst z dataje….

3. Pytajće tekstowy dokument, kotryž chceće zasadźić a klikńće potom na W porjadku.

Wobsah tekstoweho dokumenta so do aktualneho dokumenta zasadźuje a njeaktualizuje, jeli so žórłowa dataja měnja. Jeli chceće wobsah awtomatisce aktualizować, hdyž žórłowy dokument měnjeće, zasadźće dataju jako zwjazanje.

Cyły tekstowy dokument jako zwjazanje zasadźić

1. Stajće kursor w dokumenće na městno, hdźež chceće dataju zasadźić.

2. Wubjerće Zasadźić – Wotrězk….

3. Zapodajće mjeno do pola Nowy wotrězk a wubjerće potom kontrolny kašćik Zwjazać.

4. Zapodajće w polu Datajowe mjeno mjeno dataje, kotruž chceće zasadźić abo klikńće na tłóčatko Přepytać… a pytajće dataju.

   Jeli cilowy tekstowy dokument wotrězki wobsahuje, móžeće wotrězk wubrać, kotryž chceće do pola Wotrězki zasadźić.

5. Jeli chceće, postajće formatěrowanske nastajenja za wotrězk.

6. Klikńće na Zasadźić.

LibreOffice awtomatisce wobsah zasadźeneho wotrězka aktualizuje, hdyžkuli so žórłowy dokument měnja. Zo byšće wobsah wotrězka manuelnje aktualizował, wubjerće Nastroje – Aktualizować – Wšě aktualizować.