Wobłuki zasadźić, wobdźěłać a zwjazać

Wobłuk je kontejner za tekst a grafiki, kotrež móžeće něhdźe na stronje pozicioněrować. Móžeće tež wobłuk wužiwać, zo byšće špaltowe wuhotowanje na tekst nałožił.

Wobłuk zasadźić

1. Wubjerće tekst, kotryž chceće do wobłuka zapřijeć.

2. Wubjerće Zasadźić – Wobłuk – Wobłuk….

Wobłuk wobdźěłać

• Zo byšće wobsah wobłuka wobdźěłał, klikńće do wobłuka a přewjedźće swoje změny.

• Zo byšće wobłuk wobdźěłał, wubjerće wobłuk, klikńće z prawej tastu a wubjerće potom na formatěrowanske nastajenje. Móžeće tež z prawej tastu na wubrany wobłuk kliknyć a Kajkosće… wubrać.

• Zo byšće wulkosć wobłuka změnił, klikńće na kromu wobłuka a ćehńće jednu z kromow abo róžkow wobłuka. Dźeržće tastu Umsch (⇧) stłóčenu, mjeztym zo ćahaće, zo byšće proporcije wobłuka wobchował.

Tekst njećišćeć

Kóždy wobłuk Writer da so do modusa stajić, kotryž wam zmóžnja, sej tekst na wobrazowce wobhladać, tekst pak chowa.

1. Wubjerće wobłuk (widźiće wosom přimkow).

2. Wubjerće Format – Wobłuk a objekt – Kajkosće… – rajtark: Nastajenja.

3. Wotstrońće we wobłuku Kajkosće hóčku z kontrolneho kašćika Ćišćeć a klikńće na W porjadku.

Wobłuki zwjazać

Móžeće wobłuki Writer zwjazać, zo by jich wobsah awtomatisce wot jednoho wobłuka do druheho běži.

1. Klikńće na kromu wobłuka, kotryž chceće zwjazać. Na kromach wobłuka so wuběranske přimki jewja.

2. Klikńće w symbolowej lajsće Wobłuk na Wobłuki zwjazać .

3. Klikńće na wobłuk, z kotrymž chceće zwjazać.

Móžeće jenož wobłuki zwjazać, jeli:

• Cilowy wobłuk je prózdny.

• Cilowy wobłuk z druhim wobłukom zwjazany njeje.

• Žórłowe a cilowe wobłuki su w samsnym wotrězku. Njemóžeće na přikład wobłuk we hłowowej lince z wobłukom w nohowej lince zwjazać.

• Žórłowy wobłuk přichodne zwjazanje nima.

• Cilowy abo žórłowy wobłuk zakašćikowany njeje.

Hdyž zwjazany wobłuk wuběraće, so linija pokazuje, kotraž zwjazane wobłuki zwjazuje.