Wulko- a małopisanje změnić

Móžeće wulko- a małopisanje změnić, tekst z kapitelkami formatěrować abo prěni pismik kóždeho słowa we wuběrje z wulkim spočatnym pismikom pisać.

Hdyž formatěrowanje na swój tekst z pomocu Format – Znamješko… nałožujeće, tekst samsny wostawa, pokazuje so jenož hinak. Hdyž pak Format – Tekst abo Format – Tekst – Pisanje přeměnić, so tekst na přeco změni.

Tekst z wulkimi pismikami pisać

Wubjerće tekst, kotryž chceće z wulkimi pismikami pisać.
Přewjedźće jedyn ze slědowacych krokow:

Wubjerće Format – Tekst – WULKE PISMIKI.

Wubjerće Format – Znamješko…, klikńće na rajtark Pismowe efekty a wubjerće typ wulkopisanja we wobłuku Efekty. „WULKOPISANJE“ wšě pismiki do wulkich pismikow přetworja. „Kóžde Słowo Z Wulkim Pismikom Pisać“ kóžde słowo z wulkim spočatnym pismikom pisa. „Kapitelki“ tekst z wulkimi pismikami pisa, ale z mjeńšej pismowej wulkosću.

Tekst do małopisanja změnić

Wubjerće tekst, kotryž chceće z małymi pismikami pisać.
Přewjedźće jedyn ze slědowacych krokow:

Wubjerće Format – Tekst – małopisanje.

Wubjerće Format – Znamješko…, klikńće na rajtark Pismowe efekty a wubjerće potom „małopisanje“ we wobłuku Efekty.

Tekst wuzběhnyć