Linki a špalty z tastaturu změnić
Hdyž cele, linki abo špalty w tabeli zasadźujeće abo zhašeće, nastajenja za postajeja, kak so susodne elementy wobwliwuja. Móžeće na přikład do tabele z krutymi wotměrami linkowa a špaltow jenož nowe linki a špalty zasadźić, hdyž je dosahacy rum k dispoziciji.
Dźiwajće na to, zo tute kajkosće jenož za změny špaltoweje šěrokosće płaća, kotrež su so z tastaturu přewjedli. Z myšku móžeće kóždu špaltowu šěrokosć změnić.
Zo byšće nastajenja za za tabele w tekstowych dokumentach postajił, wubjerće . Su tři pokazowanske modusy za tabele:
-
Njezměnity – změny so jenož na susodnu celu wuskutkuja, nic na cyłu tabelu. Hdyž na přikład celu rozšěrjeće, so susodna cela zwužuje, ale šěrokosć tabele konstantna wostawa.
-
Njezměnity, proporcionalny – změny so na cyłu tabelu wuskutkuja a šěroke cele so wjace hač wuske cele pomjeńšeja. Hdyž na přikład celu rozšěrjeće, budu susodne cele proporcionalnje wuše, ale šěrokosć tabele konstantna wostawa.
-
Wariabelny – změny so na wulkosć tabele wuskutkuja. Hdyž na přikład celu rozšěrjeće, so šěrokosć tabele powjetšuje.