Pomoc za LibreOffice 24.8
Su wjacore móžnosće, z kotrymiž móžeće tabelu w tekstowym dokumenće wutworić. Móžeće tabelu ze symboloweje lajsty, přez menijowy přikaz abo z tabeloweho dokumenta zasadźić.
Stajće kursor w swojim dokumenće na městno, hdźež chceće tabelu zasadźić.
Klikńće w lajsće Standard abo Zasadźić na šipk pódla symbola Tabela.
Ćehńće w tabelowej lěsycy, zo byšće ličbu linkow a špaltow wubrał, kotrež chceće, a potom pušćće.
Zo byšće přetorhnył, ćehńće k druhemu bokej, doniž so Přetorhnyć we wobłuku přehlada lěsycy njezjewi.
Stajće kursor w swojim dokumenće na městno, hdźež chceće tabelu zasadźić.
Wubjerće Tabela – Tabelu zasadźić….
Zapodajće we wobłuku Wulkosć ličbu linkow a špaltow.
Wubjerće požadane nastajenja a klikńće na W porjadku.
Wočińće tabelowy dokument LibreOffice Calc, kotryž celowy wobłuk wobsahuje, kotryž chceće zasadźić.
Ćehńće w tabelowym dokumenće, zo byšće cele wubrał.
Wubjerće Wobdźěłać – Kopěrować.
Wuwjedźće w swojim tekstowym dokumenće jedyn ze slědowacych krokow:
Wubjerće Wobdźěłać – Zasadźić. Celowy wobłuk so jako OLE-objekt zasadźuje. Zo byšće wobsah celow wobdźěłał, klikńće dwójce na objekt.
Wubjerće Wobdźěłać – Wobsah zasadźić… a potom jedne ze slědowacych nastajenjow:
|
Nastajenja |
Zasadźuje so jako… |
|---|---|
|
Tabelowy dokument LibreOffice 24.8 |
OLE-objekt – z cmd ⌘Strg+V abo ćahnyć a pušćić |
|
GDIMetaFile |
Grafika |
|
Bitmap |
Grafika |
|
HTML |
Tabela HTML |
|
Njeformatěrowany tekst |
Jenož tekst, tabulatory jako dźělatka |
|
Sformatěrowany tekst [RTF] |
Tekstowa tabela |
|
DDE-wotkaz |
Tabelowa struktura a wobsah, bjez formatěrowanja. Z aktualizowanjom |
Wočińće tabelowy dokument LibreOffice Calc, kotryž celowy wobłuk wobsahuje, kotryž chceće zasadźić.
Ćehńće w tabelowym dokumenće, zo byšće cele wubrał.
Klikńće a dźeržće tastu myški stłóčenu we wubranych celach.
Ćehńće wubrane cele do tekstoweho dokumenta.