Nowe předłohi z wuběrow wutworić

Nowu předłohu z manuelnje sformatěrowaneho wuběra wutworić

1. Wubjerće Napohlad – Formatowe předłohi, zo byšće wobłuk Předłohi w bóčnicy wočinił.

2. Klikńće symbol horjeka we wobłuku Předłohi za kategoriju předłohi noweje předłohi.

3. Klikńće w dokumenće, z kotrehož chceće předłohu kopěrować, na přikład we wotstawku, na kotryž sće manuelne formatěrowanje nałožił.

4. Klikńće na symbol menija Akcije předłohi horjeka naprawo we wobłuku Předłohi a wubjerće Nowa předłoha z wuběra z podmenija.

5. Zapodajće mjeno za nowu předłohu w dialogowym polu Nowa předłoha z wuběra.

6. Klikńće na W porjadku.

Nowu předłohu přez ćehnjenje a pušćenje wutworić

1. Wubjerće Napohlad – Formatowe předłohi, zo byšće wobłuk Předłohi w bóčnicy wočinił.

2. Klikńće symbol horjeka we wobłuku Předłohi za kategoriju předłohi noweje předłohi.

3. Wubjerće za wotstawkowe, znamješkowe a lisćinowe předłohi znajmjeńša jedne znamješko w předłoze, kotrež chceće kopěrować, ćehńće potom wuběr do wobłuka Předłohi a pušćće. Za wobłukowe předłohi wubjerće wobłuk a dźeržće tastu myški stłóčenu, doniž so symbol myški njezměni, ćehńće potom wobłuk Předłohi a pušćće.

   Abo móžeće wuběr na wotpowědny symbol horjeka we wobłuku Předłohi ćahnyć a pušćić. Njetrjebaće kategoriju předłohi dočasa wočinić.

4. Zapodajće mjeno za nowu předłohu w dialogowym polu Nowa předłoha z wuběra.

Za předłohu strony a tabelowe předłohi dyrbiće meni Akcije předłohi horjeka naprawo we wobłuku Předłohi wužiwać. Metoda ćehnjenje a pušćenje z tutymi předłohami móžna njeje.