Tekstowe dokumenty w formaće HTML składować

Móžeće dokument LibreOffice Writer w formaće HTML składować, zo byšće sej jón we webwobhladowaku wobhladał. Jeli chceće, móžeće łamanje strony z wěstym nadpismowym wotstawkom zwjazać, zo byšće separatnu stronu generěrował, kóždy raz, hdyž so předłoha w dokumenće jewi. LibreOffice Writer awtomatisce stronu wutworja, kotraž hyperwotkazy wobsahuje, kotrež na kóždu z tutych stronow wotkazuja.

Hdyž tekstowy dokument w formaće HTML składujeće, so grafiki w dokumenće do dokumenta HTML jako zasadźene datowe prudy składuja. $[officenmae] popsytuje, originalny format grafikow wobchować, t. r. wobrazy JPEG abo wobrazy SVG so jako tajke do HTML składuja.Wšě druhe grafikowe formaty so jako PNG składuja.

1. Nałožće jednu ze standardnych nadpismowych wotstawkowych předłohow LibreOffice, na přikład „Nadpismo 1“, wotstawkam, hdźež chceće nowu stronu HTML generěrować.

2. Wubjerće Dataja – Pósłać – HTML-dokument wutworić.

3. Wubjerće w polu Předłohi wotstawkowu předłohu, kotruž chceće wužiwać, zo byšće nowu stronu HTML generěrował.

4. Zapodajće šćežku a mjeno za dokument HTML a klikńće potom na Składować.