Wotrězki wužiwać

Wotrězki su pomjenowane tekstowe bloki, inkluziwnje grafiki abo objekty, kotrež móžeće na rozdźělne wašnja wužiwać:

• Tekst přećiwo wobdźěłanju škitać.

• Tekst pokazać abo schować.

• Tekst a grafiki z druhich dokumentow LibreOffice wužiwać.

• Tekstowe wotrězki zasadźić, kotrež druhi špaltowe wuhotowanje hač aktualna předłoha strony wužiwaja.

Wotrězk znajmjeńša jedyn wotstawk wobsahuje. Hdž tekst wuběraće a wotrězk wutworjeće, so awtomatisce wotstawkowe łamanje na kóncu teksta zasadźi.

Móžeće wotrězki z tekstoweho dokumenta zasadźić abo cyły tekstowy dokument jako wotrězk do druheho tekstoweho dokumenta. Móžeće tež wotrězki z tekstoweho dokumenta jako zwjazanja do druheho tekstoweho dokumenta abo do samsneho dokumenta zasadźić.

Wotrězki a špalty

Móžeće wotrězki do eksistowaceho wotrězka zasadźić. Móžeće na přikład wotrězk, kotryž dwě špalće wobsahuje, do wotrězka zasadźić, kotryž jednu špaltu wobsahuje.

Wotrězkowe wuhotowanje, na přikład ličba špaltow, ma prioritu nad wuhotowanjom strony, kotrež je w předłoze strony definowane.