Wotrězki zasadźić

Móžeće nowe wotrězki abo zwjazanja z wotrězkami w druhich dokumentach do aktualneho dokumenta zasadźić. Jeli wotrězk jako zwjazanje zasadźujeće, so wobsah zwjazanja změni, hdyž žórłowy dokument měnjeće.

Nowy wotrězk zasadźić

1. Klikńće do swojeho dokumenta tam, hdźež chceće nowy wotrězk zasadźić abo wubjerće tekst, kotryž chceće do wotrězka přetworić.

   Jeli tekst wuběraće, kotryž we wotstawku wustupuje, so tekst awtomatisce do noweho wotstawka přetwori.

2. Wubjerće Zasadźić – Wotrězk….

3. Zapodajće w polu Nowy wotrězk mjeno za wotrězk.

4. Postajće nastajenja za wotrězk a klikńće potom na Zasadźić.

Wotrězk jako zwjazanje zasadźić

Prjedy hač móžeće wotrězk jako zwjazanje zasadźić, dyrbiće najprjedy wotrězki w žórłowym dokumenće wutworić.

Hdyž dokument wočinjeće, kotryž zwjazane wotrězki wobsahuje, LibreOffice was namołwja, wobsah wotrězkow aktualizować. Zo byšće zwjazanje manuelnje aktualizował, wubjerće Nastroje – Aktualizować – Zwjazanja.

Móžeće tež zwjazane wotrězki do HTML-dokumentow zasadźić. Hdyž sej stronu we webwobhladowaku wobhladujeće, wobsah wotrězkow wobsahej wotrězkow wotpowěduje, kotryž eksistowaše, hdyž je so HTML-dokument posledni raz składował.

1. Klikńće w swojim dokumenće tam, hdźež chceće zwjazany wotrězk zasadźić.

2. Wubjerće Zasadźić – Wotrězk….

3. Zapodajće w polu Nowy wotrězk mjeno za wotrězk.

4. Wubjerće we wobłuku Zwjazanje kontrolny kašćik Zwjazanje.

5. Klikńće na tłóčatko Přepytać… pódla pola Datajowe mjeno.

6. Pytajće dokument, kotryž wotrězk wobsahuje, na kotryž chceće wotkazać, a klikńće potom na Zasadźić.

7. Wubjerće w polu Wotrězk wotrězk, kotryž chceće zasadźić.

8. Klikńće na Zasadźić.