Wotrězki wobdźěłać

Móžeće wotrězki w swojim dokumenće škitać, schować a do normalneho teksta přetworić.

1. Wubjerće Format – Wotrězki….

2. Klikńće w lisćinje Wotrězk do wotrězka, kotryž chceće změnić. Móžeće +A tłóčić, zo byšće wšě wotrězki w lisćinje wubrał, a móžeće Umsch (⇧)+kliknjenje abo +kliknjenje wužiwać, zo byšće někotre wotrězki wubrał.

3. Přewjedźće jedyn ze slědowacych krokow:

• Zo byšće wotrězk do normalneho teksta přetworił, klikńće na Wotstronić.

• Zo byšće wotrězk přećiwo pisanju škitał, wubjerće kontrolny kašćik Škitany we wobłuku Pisanski škit.

• Přidajće opcionalne hesło za škit. Hesło móže prózdne być a njetrjebaće hesło, zo byšće škit wotstronił. Jeli hesło prózdne njeje, trjebaće jo, zo byšće škit za wotrězk zběhnył.

• Zo byšće wotrězk schował, wubjerće kontrolny kašćik Schować we wobłuku Schować.

Přećiwo pisanju škitany wobsah

Warnowanska zdźělenka so pokazuje, jeli pospytujeće, škitane wotrězki wobdźěłać.

Zo byšće škit wotrězka wotstronił, čińće tole:

1. Wubjerće Format – Wotrězki….

2. Wubjerće wotrězk, zo byšće škit we wobłuku Wotrězk dialoga zběhnył.

3. Wotstrońće hóčku před nastajenjom Škitać we wobłuku Pisanski škit dialoga.

4. Jeli wotrězk je so z njeprózdnym hesłom škitał, zapodajće hesło do dialoga, kotryž so wočinja.

5. Klikńće na W porjadku.