Regularne wurazy w tekstowych pytanjach wužiwać

Regularne wurazy dadźa so wužiwać, zo bychu za njepostajenymi abo samo njewidźomnymi znamješkami pytali.

Móžeće regularne wurazy wužiwać, hdyž tekst w dokumenće pytaće a wuměnjeće. „s.n“ na přikład „syn“ kaž tež „són“ namaka.

1. Wubjerće Wobdźěłać – Pytać a wuměnić….

2. Klikńće na Dalše nastajenja, zo byšće dialog rozšěrił.

3. Wubjerće kontrolny kašćik Regularne wurazy.

4. Zapodajće w polu Pytać pytanski wuraz a regularne wurazy, kotrež chceće w swojim pytanju wužiwać.

5. Klikńće na Dale pytać abo Wšě pytać.

Přikłady za regularne wurazy

1. Regularny wuraz za jednotliwe znamješko je dypk (.).

2. Regularny wuraz žane abo jedne wustupowanje abo wjace wustupowanjow předchadneho znamješka je hwěžka (*). „123*“ na přikład „12“, „123“ a „1233“ namaka.

3. Kombinacija regularneho wuraza za pytanje za žanym wustupowanjom, jednym wustupowanjom abo wjace wustupowanjemi někajkeho znamješka je dypk z hwěžku (.*).

4. Regularny wuraz za kónc wotstawka je dolarowe znamješko ($). Kombinacija regularnych wurazow za spočatk wotstawka je cirkumfleks z dypkom (^.).

5. Regularny wuraz za tabulator je \t.