Z linkowym wotstupom strony ćišćeć

Ćišćenje z linkowym wotstupom strony je wosebje wužitne za dokumenty, na kotrychž stej dwě stronje jedna pódla druheje stajenej (na přikład w knize abo brošurje), za wjacešpaltowe wuhotowanje a za dokumenty, kotrež su za ćišć na woběmaj bokomaj myslene.

Dokument za ćišćenje z linkowym wotstupom strony zmóžnić

1. Wubjerće Format – Předłoha strony… – rajtark: Strona.

2. Wubjerće we wotrězku Wuhotowanske nastajenja kontrolny kašćik Linkowy wotstup strony wužiwać, nastajće referencnu předłohu a klikńće na W porjadku.

   Referencna předłoha z pomocu linkoweho wotstupa, kotryž je w předłoze podaty, njewidźomnu wertikalnu (typografisku) lěsycu nastaja. Wšě wotstawki ze zaktiwizowanym linkowym wotstupom strony tón linkowy wotstup wužiwaja a wusměrjeja delnju kromu tekstoweje linki na přichodnej lěsyčnej lince, njedźiwajo na pismowu wulkosć abo eksistencu grafikow.

   Wšě wotstawki z wubranej referencnej předłohu (abo tajke, kotrež referencnu předłohu namrěwaja) so awtomatisce za linkowy wotstup strony zaktiwizuja.

Wotstawki za ćišćenje z linkowym wotstupom strony znjemóžnić abo zmóžnić

1. Wubjerće wšě wotstawki, kotrež chceće wuwzać a wubjerće potom Format – Wotstawk… – Zasunjenja a wotstup.

2. Wuprózdńće kontrolny kašćik Linkowy wotstup strony, zo byšće wotstawki wuwzał. Markěrujće kontrolny kašćik, zo byšće je zapřijał.

   Kontrolny kašćik wuskutk nima, jeli linkowy wotstup strony je w předłoze strony znjemóžnjeny.

Wotstawkowe předłohi za ćišćenje z linkowym wotstupom strony znjemóžnić abo zmóžnić

1. Wočińće wokno Předłohi (), klikńće na wotstakowu předłohu, kotruž chceće wuwzać, klikńće z prawej tastu na tutu předłohu a wubjerće Změnić…. Klikńće w dialogu na rajtark Zasunjenja a wotstup.

2. Wuprózdńće kontrolny kašćik Linkowy wotstup strony, zo byšće wotstawki wuwzał. Markěrujće kontrolny kašćik, zo byšće je zapřijał.

   Kontrolny kašćik wuskutk nima, jeli linkowy wotstup strony je w předłoze strony znjemóžnjeny