Prěčne pokazy zasadźić

Prěčne pokazy wam zmóžnjeja, k wěstym tekstowym pasažam a objektam w jednotliwym dokumenće skočić. Prěčny pokaz so z cila a pokaza zestaja, kotrejž so jako poli do dokumenta zasadźujetej.

Objekty z popisami a zapołožki dadźa so jako cile wužiwać.

Prěčne pokazy na tekst

Prjedy hač móžeće prěčny pokaz zasadźić, dyrbiće najprjedy cile w swojim teksće podać.

Cil zasadźić

1. Wubjerće tekst, kotryž chceće jako cil za prěčny pokaz wužiwać.

2. Wubjerće Zasadźić – Prěčny pokaz….

3. Wubjerće w lisćinje Typ „Pokaz nastajić“.

4. Zapodajće mjeno za cil w polu Mjeno. Wubrany tekst so w polu Hódnota pokaza.

5. Klikńće na Zasadźić. Mjeno cila so lisćinje Wuběr přida.

Wostajće dialog wočinjeny a přeńdźće k přichodnemu wotrězkej.

Prěčny pokaz na cil wutworić

1. Stajće kursor w teksće, hdźež chceće prěčny pokaz zasadźić.

2. Wubjerće Zasadźić – Prěčny pokaz…, zo byšće dialog wočinił, jeli hišće wočinjeny njeje.

3. Wubjerće „Pokaz zasadźić“ w lisćinje Typ.

4. Wubjerće w lisćinje Wuběr cil, na kotryž ma prěčny pokaz wotkazać.

5. Wubjerće w lisćinje Pokaz wužiwać format za prěčny pokaz. Format typ informacije podawa, kotryž so jako prěčny pokaz pokazuje. „Pokaz“ na přikład cilowy tekst zasadźuje, a „Strona“ čisło strony, hdźež cil je. Za nóžki so čisło nóžki zasadźuje.

6. Klikńće na Zasadźić.

7. Klikńće na Začinić, hdyž sće hotowy.

Prěčne pokazy na objekty

Móžeće na najwjace objektow w swojim dokumenće, na přikład grafiki, rysowanske objekty, OLE-objekty a tabele, prěčne pokazy wutworić, jeli popis maja. Zo byšće objektej popis přidał, wubjerće objekt a wubjerće potom Zasadźić – Popis….

1. Klikńće w dokumenće, hdźež chceće prěčny pokaz zasadźić.

2. Wubjerće Zasadźić – Prěčny pokaz….

3. Wubjerće w lisćinje Typ kategoriju popisa objekta.

4. Wubjerće w lisćinje Wuběr čisło popisa objekta, na kotryž chceće wotkazać.

5. Wubjerće w lisćinje Pokaz wužiwać format za prěčny pokaz. Format typ informacije podawa, kotryž so jako prěčny pokaz pokazuje. „Pokaz“ na přikład kategoriju popisa a tekst popisa objekta zasadźuje.

6. Klikńće na Zasadźić.

7. Klikńće na Začinić, hdyž sće hotowy.

Prěčne pokazy aktualizować

Zo byšće prěčne pokazy w dokumenće manuelnje aktualizował, wubjerće Nastroje – Aktualizować –Pola z menija abo tłóčće F9.