Wobsah w LibreOffice Writer škitać

Slědowace je přehlad rozdźělnych móžnosćow, zo by so wobsah w LibreOffice Writer před změnu abo zhašenjom škitał.

Wotrězki w LibreOffice Writer škitać

Kóždy wotrězk tekstoweho dokumenta LibreOffice Writer da so před změnami a z opcionalnym hesłom škitać.

Škit zmóžnić

Informacije, kotrež so maja škitać, dyrbi we wotrězku być. Zo byšće wotrězk wutworił abo wubrał:

1. Jeli wotrězk njeeksistuje: Wubjerće tekst a wubjerće potom meni Zasadźić – Wotrězk….

2. Jeli wotrězk hižo eksistuje: Wubjerće meni Format – Wotrězki… a wubjerće wotrězk w lisćinje Wotrězk abo klikńće z prawej tastu na wotrězk w Nawigatorje a wubjerće Wobdźěłać….

Škit zmóžnić

1. Jeli chceće wobsah bjez hesła škitać, wubjerće kontrolny kašćik Škitać we wotrězku Pisanski škit.

2. Jeli chceće škit z hesłom, wubjerće kontrolnej kašćikaj Škitać a Z hesłom a klikńće na tłóčatko Hesło…. Zapodajće a wobkrućće hesło ze znajmjeńša pjeć znamješkami.

Škit změnić

Wubjerće meni Format – Wotrězki… a wubjerće wotrězk w lisćinje Wotrězk abo klikńće z prawej tastu na wotrězk w Nawigatorje a wubjerće Wobdźěłać….

1. Jeli škit hesło nima a chceće rady hesło wužiwać, wubjerće kontrolny kašćik Z hesłom, klikńće na tłóčatko Hesło a zapodajće a wobkrućće hesło ze znajmjeńša pjeć znamješkami.

2. Jeli škita ma hesło a chceće jo zhašeć, wotstrońće hóčku z pola Z hesłom pod Pisanski škit a zapodajće korektne hesło.

3. Jeli wotrězk je z hesłom škitany a chceće jo změnić, klikńće na tłóčatko Hesło we woknje Wotrězki wobdźěłać a zapodajće dwójce korektne hesło.

Škit znjemóžnić

Wubjerće meni Format – Wotrězki… a wubjerće wotrězk w lisćinje Wotrězk abo klikńće z prawej tastu na wotrězk w Nawigatorje a wubjerće Wobdźěłać….

1. Jeli škit hesło nima, wotstrońće hóčku z pola Škitać pod Pisanski škit.

2. Jeli škit ma hesło, wotstrońće hóčku z pola Škitać pod Pisanski škit a zapodajće korektne hesło.

Cele w tabeli LibreOffice Writer škitać

Móžeće wobsah jednotliwych tabelowych celow abo cyłeje tabele w LibreOffice Writer před změnami škitać.

Škit zmóžnić

1. Stajće za jednu celu abo za wjacore cele kursor do cele abo wubjerće trěbne cele. Wubjerće Tabela – Cele škitać w menijowej lajsće.

2. Wubjerće za cyłu tabelu tabelu a potom Tabela – Cele škitać w menijowej lajsće.

Škit znjemóžnić

1. Stajće kursor do cele abo do wubranych celow a wubjerće Tabela – Celowy škit zběhnyć w menijowej lajsće.

2. Klikńće za cyłu tabelu z prawej tastu na tabelu w Nawigatorje a wubjerće Tabela – Škit cele zběhnyć w kontekstowym meniju a wubjerće Tabela – Škit cele zběhnyć w menijowej lajsće.

Škit wobsaha w zapisach wobsaha a hesłarjach

Zapisy wobsaha a hesłarje, kotrež su so w LibreOffice Writer wutworili, so awtomatisce před mylnymi změnami škitaja.

Škit zmóžnić

1. Klikńće z prawej tastu do hesłarja abo zapisa wobsaha. Wubjerće Zapis wobdźěłać w kontekstowym meniju. Wubjerće Přećiwo manuelnym změnam škitany na rajtarku Typ.

2. Klikńće z prawej tastu na hesłar abo zapis wobsaha w Nawigatorje a wubjerće zapisk Zapis – Přećiwo pisanju škitany.

Škit znjemóžnić

1. Klikńće z prawej tastu na hesłar abo zapis wobsaha. Wubjerće Zapis wobdźěłać w kontekstowym meniju. Wotstrońće hóčku z Přećiwo manuelnym změnam škitany na rajtarku Typ.

2. Klikńće z prawej tastu do hesłarja abo zapisa wobsaha w Nawigatorje a wotstrońće hóčku před Zapis – Přećiwo pisanju škitany.

Pola a zapołožki před změnami škitać

Wubjerće Nastroje – Dokument škitać – Pola škitać, zo byšće wšě pola před změnam škitał. Wužiwajće tutón škit, zo byšće mylnym změnam w polach zadźěwał.

Wubjerće Nastroje – Dokument škitać – Zapołožki škitać, zo byšće wšě zapołožki před změnam škitał. Wužiwajće tutón škit, zo byšće mylnym změnam w zapołožkach zadźěwał.

Škit cyłeho dokumenta LibreOffice Writer před změnami.

Móžeće wobsah dokumenta LibreOffice Writer před změnami škitać, z jednym ze slědowacych datajowych formatow: .doc, .docx, .odt, .ott.

Zo byšće škit cyłeho dokumenta zmóžnił, dźiće k – LibreOffice Writer – Kompatibelnosć a wubjerće Formular škitać. Zo byšće škit znjemóžnił, wotstrońće hóčku z kontrolneho kašćika.