Wubrać, štož so ma ćišćeć

Móžeće jednotliwe strony, wobłuk strony abo wuběr z dokumenta ćišćeć.

Jednotliwu stronu ćišćeć

  1. Wubjerće Dataja – Ćišćeć…, zo byšće dialog Ćišćeć wočinił.

  2. Wubjerće we wotrězku Wobłuk a kopije nastajenje Strony. Tekstowe polo aktualnu ličbu strony pokazuje.

  3. Zapodajće čisło strony, kotrež chceće ćišćeć.

  4. Polo Přehlad nalěwo wubranu stronu pokazuje.

Rozsah stronow ćišćeć

  1. Wubjerće Dataja – Ćišćeć…, zo byšće dialog Ćišćeć wočinił.

  2. Wubjerće we wotrězku Wobłuk a kopije nastajenje Strony. Tekstowe polo aktualnu ličbu strony pokazuje.

  3. Zapodajće čisła stronow, kotrež so maja ćišćeć.

    • Wužiwajće - za rozsah stronow. 1-4 na přikład wšě strony wot 1 do 4 ćišći.

    • Dźělne rozsahi su tež dowolene: -5 wšě strony hač do strony 5 ćišći; 10- strony wot strony 10 do kónca dokumenta ćišći.

    • Wužiwajće , abo ; za lisćinu stronow. 1,3;7 na přikład strony 1,3 a 7 ćišći. Mjezoty su opcionalne: 1, 3, 7 tež funguje.

    • Tež kombinacije su móžne. 1, 3, 5-10, 15- strony 1, 3, 5 do 10 a 15 do kónca dokumenta ćišći.

  4. Polo přehlad nalěwo wubrane strony pokazuje.

Wuběr teksta abo grafiki ćišćeć

  1. Wubjerće wobsah, kotryž so ma ćišćeć.

  2. Wubjerće Dataja – Ćišćeć…, zo byšće dialog Ćišćeć wočinił.

  3. Wubjerće we wotrězku Wobłuk a kopije nastajenje Wuběr.

  4. Polo přehlada wubrany material pokazuje.

Prošu podpěrajće nas!