Pomoc za LibreOffice 25.2
Móžeće dokument Writer jako brošuru ćišćeć. To rěka, Writer dwě stronje na kóždym boku papjery ćišći, zo byšće, hdyž papjeru fałdujeće, dokument jako knihu čitać.
Hdyž dokument wutworjeće, kotryž chceće jako brošuru ćišćeć, wužiwajće wysoki format za strony. Writer brošurowe wuhotowanje nałožuje, hdyž dokument ćišćiće.
LibreOffice njeje za ćišćenje dokumenty w prěčnym formaće jako brošuru postajeny, ale je móžno, tajke dokumenty ćišćeć.
Njeje móžno, wulki wobraz přez dwě stronje ćišćeć. Roztřihajće wobraz do dweju dźělow a zasadźće kóždy dźěl na rozdźělnymaj stronomaj.
Wubjerće Dataja – Ćišćeć….
Klikńće w dialogu Ćišćeć na Kajkosće….
Stajće w dialogu kajkosćow za waš ćišćak wusměrjenje papjery na prěčny format.
Jeli ćišćak na woběmaj bokomaj ćišći, a dokelž so brošury přeco w prěčnym formaće ćišća, wy měł nastajenje „Duplex“ w dialogu kajkosćow swojeho ćišćaka wužiwać.
Wróćće so do dialoga Ćišćeć.
Wubjerće we wotrězku Wuhotowanje strony Brošura.
Podajće za ćišćak, kotryž awtomatisce na woběmaj bokomaj strony ćišći, we wotrězku Wobłuk a kopije, zo so maja Njerune a rune strony zapřijeć.
Klikńće na Ćišćeć.
Jeli LibreOffice strony we wopačnym porjedźe ćišći, wubjerće W nawopačnym porjedźe ćišćeć we wotrězku Wobłuk a kopije a ćišćće potom dokument znowa.