Předłohi strony wutworić a nałožić

LibreOffice předłohi strony wužiwa, zo by wuhotowanje strony postajił, mjez nimi wusměrjenje strony, pozadk, kromy, hłowowe a nohowe linki a tekstowe špalty. Zo byšće wuhotowanje jednotliweje strony w dokumenće změnił, dyrbiće swójsku předłohu strony wutworić a na stronu nałožić.

Nowu předłohu strony definować

1. Wubjerće Napohlad – Formatowe předłohi.

2. Klikńće na symbol Předłohi strony.

3. Klikńće w lisćinje předłohow strony z prawej tastu zapisk a wubjerće potom Nowy.

4. Zapodajće na rajtarku Powšitkowne mjeno do pola Mjeno.

5. Přewjedźće jedyn ze slědowacych krokow:

• Zo byšće swójsku předłohu strony na jednotliwu stronu nałožił, wubjerće standardnu předłohu strony, kotryž so we wašim dokumenće wužiwa, w polu Přichodna předłoha.

• Zo byšće swójsku předłohu strony na wjacore strony nałožił, wubjerće ju w polu Přichodna předłoha. Zo njebyšće předłohu hižo wužiwał, zasadźće manuelne łamanje strony a připokazajće jemu druhu předłohu strony.

6. Wužiwajće rajtarki w dialogu, zo byšće wuhotowanske nastajenja za předłohu strony nastajił a klikńće na W porjadku.

Předłohu strony nałožić

1. Klikńće do strony, na kotruž chceće předłohu strony nałožić.

2. Přewjedźće jedyn ze slědowacych krokow:

• Wubjerće Napohlad – Formatowe předłohi a klikńće na symbol Předłoha strony.

  Klikńće dwójce na mjeno w lisćinje.

• Klikńće z prawej tastu na předłohu strony w statusowej lajsće. Wubjerće druhu předłohu strony.

„Přichodnu předłohu“ předłohi strony manuelnje přepisać

1. Stajće kursor mjez stronu z předłohu strony a stronu z předłohu, kotraž je w Přichodna předłoha podata.

2. Klikńće z prawej tastu a wubjerće Łamanje strony wobdźěłać.

3. Wubjerće kontrolny kašćik Z předłohu strony.

4. Zapodajće předłohu strony, kotraž so ma nałožić.

Hlejće Manuelnje definowany wobłuk předłohi strony.

Předłohu strony na nowu stronu nałožić

1. Klikńće w dokumenće tam, hdźež nowa strona ma so započeć.

2. Wubjerće Zasadźić – Dalše łamanja – Manuelne łamanje….

3. Wubjerće Łamanje strony.

4. Wubjerće w polu Předłoha strony předłohu strony, kotruž cheće na stronu nałožić, kotraž manuelnemu łamanju slěduje.

5. Klikńće na W porjadku.