Ličby stronow

We Writer ličba strony je polo, kotrež móžeće do swojeho teksta zasadźić.

Ličbu strony spěšnje do hłowoweje abo nohoweje linki předłohi strony zasadźić

Wubjerće Zasadźić – Čisło strony…, zo byšće dialog wočinił, kotryž was přez zasadźowanje čisła strony do aktualneje hłowoweje abo nohoweje linki předłohi strony a přez nastajenje wusměrjenja čisła strony wjedźe.

Ličby strony zasadźić

Wubjerće Zasadźić – Polo – Čisło strony, zo byšće čisło strony na aktualnej poziciji kursora zasadźił.

Tute pola wšak swoju poziciju změnja, hdyž tekst přidawaće abo wotstronjeće. Je tohodla najlěpje, polo čisła strony do hłowoweje abo nohoweje linki zasadźić, kotraž ma samsnu poziciju a kotraž so na kóždej stronje wospjetuje.

Wubjerće Zasadźić – Hłowowa a nohowa linka – hłowowa linka – (mjeno předłohi strony) abo Zasadźić – Hłowowa a nohowa linka – Nohowa linka – (mjeno předłohi strony), zo byšće wšěm stronam z aktualnej předłohu strony hłowowu abo nohowu linku přidał.

Z wěstym čisłom strony započeć

Nětko chcemy lěpšu kontrolu nad ličbami strony. Pisaće tekstowy dokument, kotryž měł so z čisłom strony 12 započeć.

1. Klikńće do prěnjeho wotstawka swojeho dokumenta.

2. Wubjerće Format – Wotstawk… – rajtark: Tekstowy běh.

3. Zmóžńće we wobłuku Łamanja Zasadźić. Zmóžńće Z předłohu strony, zo byšće móhł nowe čisło strony nastajił. Klikńće na W porjadku.

Format čisła strony wubrać

Chceće romske ličby kaž i, ii, iii, iv a tak dale jako ličby stronow wužiwać.

1. Klikńće dwójce direktnje před polom čisła strony. Widźiće dialog Pola wobdźěłać.

2. Wubjerće ličbny format a klikńće na W porjadku.

Rozdźělne formaty ličbow strony we hłowowych a nohowych linkach wužiwać

Trjebaće někotre strony z formatěrowanjom w romskich ličbach, slědowanym přez zbytne strony w druhim formaće.

We Writer trjebaće rozdźělne předłohi strony. Prěnja předłoha strony ma nohowu linku z polom čisła strony, kotrež je z romskimi ličbami sformatěrowane. Slědowaca předłoha strony ma nohowu linku z polom čisła strony, kotrež je z druhim napohladom sformatěrowane.

Wobě předłoze strony dyrbitej so přez łamanje strony dźělić. We Writer su awtomatiske łamanja strony a manuelnje zasadźene łamanja strony.

• Awtomatiske łamanje strony so na kóncu strony zjewi, hdyž předłoha strony ma druhu „přichodnu předłohu“.

  Předłoha strony „Prěnja strona“ na přikład ma předłohu strony „Standard“ jako přichodnu předłohu. Zo byšće to widźał, tłóčće , zo byšće wokno Předłohi wočinił, klikńće na symbol Předłohi strony, klikńće z prawej tastu na zapisk „Prěnja strona“. Wubjerće Předłohu wobdźěłać… z kontekstoweho menija. Na rajtarku Powšitkowne móžeće „přichodnu předłohu“ widźeć.

• Manuelnje zasadźene łamanje strony da so ze změnu abo bjez změny předłohow strony nałožić.

  Jeli prosće tłóčiće, nałožujeće łamanje strony, bjeztoho zo byšće předłohi změnił.

  Jeli Zasadźić – Dalše łamanja – Manuelne łamanje… zasadźujeće, móžeće łamanje strony zasadźić, bjeztoho zo by so předłoha změniła abo zo byšće předłohu změnił, abo zo by so čisło strony změniło.

Wotwisuje wot wašeho dokumenta, štož je najlěpše: manuelnje zasadźene łamanje mjez předłohami strony wužiwać, abo awtomatisku změnu wužiwać. Jeli prosće jednu titulnu stronu z druhej předłohu hač druhe strony trjebaće, móžeće awtomatisku metodu wužiwać:

Druhu předłohu strony na prěnju stronu nałožić

1. Klikńće do prěnjeje strony swojeho dokumenta.

2. Wubjerće Napohlad – Formatowe předłohi (abo tłóčće ).

3. Klikńće we woknje Předłohi na symbol Předłohi strony.

4. Klikńće dwójce na předłohu „Prěnja strona“.

Waša titulna strona nětko předłohu „Prěnja strona“ ma a přichodne strony awtomatisce předłohu „Standard“ maja.

Móžeće nětko na přikład nohowu linku jenož za předłohu „Standardna předłoha strony“ zasadźić abo nohowe linki do wobeju předłohow strony zasadźić, ale z rozdźělnje sformatěrowanymi polemi ličbow strony.

Manuelnje zasadźenu předłohu strony změnić

1. Klikńće na spočatk prěnjeho wotstawka na stronje, hdźež so ma předłoha strony nałožić.

2. Wubjerće Zasadźić – Dalše łamanja – Manuelne łamanje…. Dialog Łamanje zasadźić so wočini.

3. Wubjerće w lisćinowym polu Předłoha předłohu strony. Móžeće tež nowe čisło strony nastajić. Klikńće na W porjadku.

Wubrana předłoha strony so wot aktualneho wotstawka do přichodneho łamanja z předłohu wužiwa. Dyrbiće snano najprjedy nowu předłohu strony wutworić.