Pozadk strony změnić

LibreOffice předłohi strony wužiwa, zo by pozadk stronow w dokumenće podał. Zo byšće na přikład pozadk strony jednej strony abo wjacorych stronow w dokumenće do wodoweho znamjenja změnił, dyrbiće předłohu strony wutworić, kotraž pozadk wodoweho znamjenja wužiwa a potom předłohu strony na strony nałožić.

Pozadk strony změnić

1. Wubjerće Napohlad – Formatowe předłohi abo tłóčće .

2. Klikńće na symbol Předłohi strony.

3. Klikńće w lisćinje předłohow strony z prawej tastu zapisk a wubjerće potom Nowy.

4. Zapodajće w rajtarku Powšitkowne mjeno za předłohu strony w polu Mjeno.

5. Wubjerće w polu Přichodna předłoha předłohu strony, kotruž chceće na přichodnu stronu nałožić.

• Zo byšće nowu předłohu strony jenož na jeničku stronu nałožił, wubjerće „Standard“.

• Zo byšće nowu předłohu strony na wšě naslědne strony nałožił, wubjerće mjeno noweje předłohi strony.

6. Klikńće na rajtark Płonina.

7. Wubjerće, hač chceće jednu barbu abo grafiku. Wubjerće potom swoje nastajenja z rajtarka.

8. Klikńće na W porjadku.

Pozadk strony wšěch stronow w dokumenće změnić

Prjedy hač započńće, zawěsćće, zo sće předłohu strony wutworił, kotraž pozadk strony wužiwa. Hlejće Pozadk strony změnić za podrobnosće.

1. Wubjerće Napohlad – Formatowe předłohi abo tłóčće .

2. Klikńće na symbol Předłohi strony.

3. Klikńće dwójce na předłohu strony, kotraž pozadk strony wužiwa, kotryž chceće nałožić.

Rozdźělne pozadki strony w samsnym dokumenće wužiwać

Prjedy hač započńće, zawěsćé, zo sće předłohu strony wutworił, kotraž pozadk strony wužiwa. Hlejće Pozadk strony změnić za podrobnosće.

1. Klikńće před prěnim znamješkom wotstawka na městnje, hdźež chceće pozadk strony změnić.

2. Wubjerće Zasadźić – Manuelne łamanje.

3. Wubjerće Łamanje strony.

4. Wubjerće w polu Předłoha předłohu strony, kotruž pozadk strony wužiwa.

• Zo byšće jenož pozadk aktualneje strony změnił, wubjerće předłohu strony, hdźež je nastajenje „Přichodna předłoha“ na „Standard“ stajene.

• Zo byšće pozadk aktualneje strony a naslědnych stronow změnił, wubjerće předłohu strony, hdźež je nastajenje Přichodna předłoha na mjeno předłohi strony stajene.

  Jeli chceće pozadk strony pozdźišo hišće raz změnić, wospjetujće kroki 1 do 3.

5. Klikńće na W porjadku.