Z datajemi markdown (.md) dźěłać

LibreOffice Writer móže dataje w datajowym formaće markdown (.md) wočinić a składować kaž tež wobsah markdown do tekstoweho dokumenta zasadźić.

Markdown je jednora woznamjenska rěč, kotraž wam zmóžnja, tekst z pomocu jednoreje syntaksy formatěrować. Wužiwa so husto za pisanje dokumentacijow, datajow README, forumowych přinoškow a samo někotrych mejlkow.

Dataju markdown wočinić

1. Wubjerće Dataja – Wočinić….

2. Pytajće za dataju markdown, kotruž chceće wočinić.

   Jeli dataja ma kóncowku *.md, wubjerće dataju.

   Jeli dataja markdown ma druhu kóncowku, wubjerće dataju a potom „Dokument Markdown (.md, .markdown)“ w polu Datajowy typ

3. Klikńće na Wočinić.

Dataju w formaće Markdown składować

1. Wočińće tekstowy dokument, kotryž chceće jako dataja Markdown składować.

2. Wubjerće Dataja – Składować jako….

3. Zapodajće w polu Datajowe mjeno mjeno za dataju.

4. Wubjerće „Dokument Markdown (.md)“ w polu Datajowy typ.

5. Klikńće na Składować.

Wobsah markdown do tekstoweho dokumenta LibreOffice zasadźić.

Móžeće wobsah Markdown direktnje do dokumenta LibreOffice Writer zasadźić. Writer wotpowědne předłohi inteligentnje nałožuje; připokazuje awtomatisce wotstawkowe, lisćinowe a znamješkowe formatěrowanje z pomocu awtomatiskich (standardnych) předłohow.

Dataju markdown z pomocu přikazoweje linki wočinić

Móžeće dataju Markdown z přikazoweje linki wočinić a dokumentowu předłohu awtomatisce nałožić, zo byšće tekstowy dokument ze swójskim formatěrowanjom generěrował. Zapodajće slědowacy přikaz do přikazoweje linki swojeho dźěłoweho systema, zo byšće dataju dokumentoweje předłohi template.ott na dataju test.md nałožił:

soffice --infilter='Markdown:{"TemplateURL":{"type":"string","value":"./template.ott"}}' test.md