Lisćinowu runinu lisćinoweho wotstawka změnić

• Zo byšće čisłowany abo naličenski lisćinowy wotstawk wo jednu runinu dele přesunył, klikńće na spočatk wotstawka a tłóčće potom tabulatorowu tastu (↹).

• Zo byšće čisłowany abo naličenski lisćinowy wotstawk wo jednu runinu horje přesunył, klikńće na spočatk wotstawka a tłóčće potom Umsch (⇧)+tabulatorowu tastu (↹).

• Zo byšće tabulator mjez čisłom abo naličenskim znamješkom a wotstawkowym tekstom za wšě lisćinowe wotstawki na datej lisćinowej runinje zasadźił, wužiwajće nastajenje Slědowany wot w rajtarku Pozicija w dialogu Naličenske znamješka a čisłowanje. Za jednotliwy lisćinowy wotstawk da so rajtark kopěrować a potom na spočatku lisćinoweho wotstawka zasadźić.