Zapis wobsaha wutworić
Najlěpša móžnosć zapis wobsaha generěrować je nałožowanje předdefinowanych wotstawkowych předłohow za nadpisma, na přikład „Nadpismo 1“, na wotstawki, kotrež chceće do swojeho zapisa wobsaha přewzać. Po tym zo sće tute předłohi nałožił, móžeće zapis wobsaha wutworić.
Zapis wobsaha zasadźić
-
Klikńće swojeho dokument, hdźež chceće zapis wobsaha wutworić.
-
Wubjerće Zasadźić – Zapis wobsaha a hesłar – Zapis wobsaha, hesłar abo literarny zapis… a klikńće potom na rajtark Typ.
-
Wubjerće „Zapis wobsaha“ w polu Typ.
-
Wubjerće požadane nastajenja.
-
Klikńće na W porjadku.
Jeli chceće druhu wotstawkowu předłohu jako zapisk zapisa wobsaha wužiwać, wubjerće kontrolny kašćik we wobłuku a klikńće potom na tłóčatko pódla kontrolneho kašćika. Klikńće w dialogu na předłohu w lisćinje a potom na zapisowu runinu za wubranu předłohu.
LibreOffice zapiski zapisa wobsaha na zakładźe rozrjadowanskeje runiny wotstawkoweje předłohi a wotstawkoweho wobsaha wutworja. Jeli wotstawk je prózdny, njepřewozmje do zapisa wobsaha. Zo byšće wunuzował, zo so prózdny wotstawk w zapisu wobsaha nalistuje, zasadźće mjezotu abo škitanu mjezotu do wotstawka. Mjezoty, kotrež su so do tekstoweho pola Za rajtarka Čisłowanje w dialogu nadpismoweho čisłowanja zapodali, za tutón zaměr njefunguja, dokelž su dźěl wotstawkoweho čisłowanja, nic wotstawkoweho wobsaha.
Zapis wobsaha aktualizować
Wuwjedźće jednu ze slědowacych akcijow:
-
Klikńće z prawej tastu do zapisa wobsaha a wubjerće Hesłar abo zapis wobsaha aktualizować.
-
Wubjerće Nastroje – Aktualizować – Zapisy.