Literarny zapis wutworić

Literarny zapis je lisćina spisow, na kotrež so w dokumenće poćahujeće.

Bibliografiske informacije składować

LibreOffice bibliografiske informacije w datowej bance literatury składuje, abo w jednotliwym dokumenće.

Informacije w datowej bance literatury składować

1. Wubjerće Nastroje – Datowa banka literatury

2. Wubjerće Daty – Datowa sadźba.

3. Zapodajće mjeno za zapisk literarneho zapisa do pola Krótke mjeno a přidajće potom datowej sadźbje přidatne informacije w zbytnych polach.

4. Začińće wokno Datowa banka literatury.

Bibliografiske informacije do jednotliweho dokumenta składować

1. Klikńće do swojeho dokumenta, hdźež chceće literarny zapisk přidać.

2. Wubjerće Zasadźić – Zapis wobsaha a hesłar – Zapisk literarneho zapisa….

3. Wubjerće Dokumentowy wobsah a klikńće na Nowy.

4. Zapodajće mjeno za zapisk literarneho zapisa do pola Krótke mjeno.

5. Wubjerće wozjewjenske žórło za datowu sadźbu w polu Typ a zapodajće potom přidatne informacije do zbytnych polow.

6. Klikńće na W porjadku.

7. Klikńće w dialogu Zapisk literarneho zapisa zasadźić na Zasadźić a potom na Začinić.

Zapiski literarneho zapisa z datoweje banki literatury zasadźić

1. Klikńće do swojeho dokumenta, hdźež chceće literarny zapisk přidać.

2. Wubjerće Zasadźić – Zapis wobsaha – Zapisk literarneho zapisa…

3. Wubjerće Datowa banka literatury.

4. Wubjerće mjeno zapiska literarneho zapisa, kotryž chceće do pola Krótke mjeno zasadźić.

5. Klikńće na Zasadźić a potom na Začinić.