Zapiski hesłarja abo zapisa wobsaha definować

Zapiski hesłarja definować

1. Klikńće do słowa abo wubjerće słowa w swojim dokumenće, kotrež chceće jako zapisowy zapisk wužiwać.

2. Wubjerće Zasadźić – Zapis wobsaha a hesłar – Zapisk zapisa… a čińće tole:

• Zo byšće tekst změnił, kotryž so w hesłarju jewi, zapodajće tekst do pola Zapisk. Tekst, kotryž tu zapodawaće, wubrany tekst w dokumenće njenaruna.

• Zo by´šće zapiski zapisa za wšě druhe wustupowanja wubraneho zapiskoweho teksta w swojim dokumenće přidał, wubjerće Na wšě druhe wustupowanja nałožić.

• Zo byšće swójskemu zapisej zapiski přidał, klikńće na symbol Swójski zapis, zapodajće mjeno zapisa a klikńće potom na W porjadku.

Zapiski zapisa wobsaha definować

Najlěpša móžnosć zapis wobsaha załožić je, předdefinowane wotstawkowe předłohi „Nadpismo N“, na přikład „Nadpismo 1“ na wotstawki nałožić, kotrež chceće do swojeho zapisa wobsaha zapřijeć.

Swójsku wotstawkowu předłohu jako zapisk zapisa wobsaha wužiwać

1. Wubjerće Nastroje – Nadpismowe čisłowanje… a klikńće potom na rajtark Čisłowanje.

2. Wubjerće wotstawkowu předłohu, kotruž chceće do swojeho zapisa wobsaha zapřijeć, w polu Wotstawkowa předłoha.

3. Klikńće na runinu za wotstawkowu předłohu w lisćinje Runina.

4. Klikńće na W porjadku. Móžeće nětko předłohu na nadpisma w swojim dokumenće nałožić a je do swojeho zapisa wobsaha přewzać.