Wotstawki zasunyć

Móžeće zasunjenja za aktualny wotstawk, za wšě wubrane wotstawki abo za wotstawkowu předłohu změnić.

• Wubjerće Format – Wotstawk… – rajtark: Zasunjenja a wotstup, zo byšće zasunjenja za aktualny wotstawk abo za wšě wubrane wotstawki změnił. Móžeće tež zasunjenja z linealom nastajić.

• Klikńće z prawej tastu na wotstawk a wubjerće Wotstawk – Předłohu wobdźěłać – rajtark: Zasunjenja a wotstup, zo byšće zasunjenja za wšě wotstawki změnił, kotrež samsnu wotstawkowu předłohu maja.

Zasunjenja pozicioněrować

Zasunjenja so z lěweje a praweje kromy strony wobličeja. Jeli chceće wotstawk wyše kromy strony rozšěrić, zapodajće negatiwnu ličbu.

Zasunjenja wot pisanskeho směra wotwisuja. Hladajće na přikład na zasunjensku hódnotu Před tekstom w rěčach z pisanskim směrom doprawa. Lěwa kroma wotstawka so po lěwej kromje strony zasuwa. W rěčach z pisanskim směrom dolěwa so prawa kroma wotstawka po prawej kromje strony zasuwa.

Wisate zasunjenja

Zapodajće za wisate zasunjenje pozitiwnu hódnotu za Před tekstom a negatiwnu hódnotu za Prěnja linka.

Symbol Wisate zasunjenje je we wotrězku „Wotstawk“ bóčnicy „Kajkosće“. Klikńće na tutón symbol, zo byšće hódnoće Před tekstom a Prěnja linka přepinał. To wam zmóžnja, wotstawk mjez zasunjenej prěnjej linku a wisatym zasunjenjom přepinać.

Zo byšće wisate zasunjenje wutworił: Zapodajće zasunjenje za prěnju linku, hdźež móžeće zasunjenje započeć a klikńće potom na symbol za wisate zasunjenje, zo byšće wisate zasunjenje wutworił.

Přikaz Wisate zasunjenje da so symbolowej lajsće jako tłóčatko, zapisk w meniju abo w kontekstowym meniju abo jako tastowa skrótšenka přidać.