Hyperwotkazy z Nawigatorom zasadźić

Móžeće prěčny pokaz z pomocu Nawigatora jako hyperwotkaz do swojeho dokumenta zasadźić. Móžeće samo prěčne pokazy na zapiski z druhich dokumentow LibreOffice wutworić. Jeli na hyperwotkaz klikaće, hdyž so dokument w LibreOffice wočinja, dóstanjeće so k zapiskej, na kotryž so prěčny pokaz poćahuje.

1. Wočińće jedyn dokument abo wjacore dokument, kotrež zapiski wobsahuja, na kotrež chceće so poćahować.

2. Klikńće w symbolowej lajsće Standard na symbol Nawigator.

3. Klikńće na šipk pódla symbola Ćehnity modus a zawěsćće, zo nastajenje Jako hyperwotkaz zasadźić je wubrane.

4. Wubjerće deleka w lisćinje Nawigatora dokument, kotryž zapisk wobsahuje, za kotryž chceće prěčny pokaz załožić.

5. Klikńće w lisćinje Nawigatora na plusowe znamješko pódla zapiska, kotryž chceće jako hyperwotkaz zasadźić.

6. Ćehńće zapisk do toho, hdźež chceće hyperwotkaz w dokumenće zasadźić.

Mjeno zapiska so do dokumenta jako podšmórnjeny hyperwotkaz zasadźuje.