Tekst schować

Móžeće pola a wotrězki wužiwać, zo byšće tekst w swojim dokumenće schował abo pokazał, jeli wuměnjenje je spjelnjene.

Prjedy hač móžeće tekst schować, dyrbiće najprjedy wariablu wutworić, kotraž so ma we wuměnjenju za chowanje teksta wužiwać.

Wariablu wutworić

1. Klikńće do swojeho dokumenta a wubjerće Zasadźić – Polo – Dalše pola….

2. Klikńće na rajtark Wariable a potom na „Wariablu nastajić“ w lisćinje Typ.

3. Klikńće na „Powšitkowne“ w lisćinje Format.

4. Zapodajće mjeno za wariablu w polu Mjeno, na přikład Schować.

5. Zapodajće hódnotu za wariablu w polu Hódnota, na přikład 1.

6. Zo byšće wariablu w swojim dokumenće schował, wubjerće Njewidźomny.

7. Klikńće na Zasadźić a Začinić.

Tekst schować

1. Klikńće do dokumenta tam, hdźež chceće tekst přidać.

2. Wubjerće Zasadźić – Polo – Dalše pola… a klikńće na rajtark Funkcije.

3. Klikńće na „Schowany tekst“ w lisćinje Typ.

4. Zapodajće instrukciju do pola Wuměnjenje. Hdyž na přikład wariablu wužiwaće, kotruž sće do tho definował, zapodajće Schować==1.

5. Zapodajće tekst, kotryž chceće schować do pola Schowany tekst.

6. Klikńće na Zasadźić a Začinić.

Wotstawk schować

1. Klikńće do wotstawka tam, hdźež chceće tekst přidać.

2. Wubjerće Zasadźić – Polo – Dalše pola… a klikńće na rajtark Funkcije.

3. Klikńće na „Schowany wotstawk“ w lisćinje Typ.

4. Zapodajće instrukciju do pola Wuměnjenje. Hdyž na přikład wariablu wužiwaće, kotruž sće do tho definował, zapodajće Schować==1.

5. Klikńće na Zasadźić a Začinić.

Wotrězk schować

1. Wubjerće tekst, kotryž chceće w swojim dokumenće schować.

2. Wubjerće Zasadźić – Wotrězk….

3. Wubjerće we wobłuku Schować Schować a zapodajće potom wuraz do pola Wuměnjenje. Hdyž na přikład wariablu wužiwaće, kotruž sće do tho definował, zapodajće Schować==1.

4. Klikńće na Zasadźić.