Rozdźělne hłowowe a nohowe linki definować

Móžeće rozdźělne hłowowe a nohowe linki na rozdźělnych stronach w swojim dokumenće wužiwać, hdyž strony rozdźělny předłohi strony wužiwaja. LibreOffice staja wjacore předdefinowane předłohi strony k dispoziciji, na přikład Prěnja strona, Lěwa strona a Prawa strona, ale móžeće tež swójsku předłohu strony wutworić.

Móžeće tež špihelowane wuhotowanje strony wužiwać, jeli chceće předłoze strony hłowowu linku přidać, kotraž ma rozdźělne nutřkowne a zwonkowne kromy strony. Zo byšće tute nastajenje na předłohu strony nałožił, wubjerće Format – Předłoha strony…, klikńće na rajtark Strona a do wobłuka Wuhotowanske nastajenja a wubjerće „Špihelowany“ w polu Wuhotowanje strony.

Móžeće na přikład předłohi strony wužiwać, zo byšće rozdźělne hłowowe linki za rune a njerune strony w dokumenće definował.

1. Wočińće nowy tekstowy dokument.

2. Wubjerće Napohlad – Formatowe předłohi a klikńće na symbol Předłohi strony w bóčnicy Předłohi.

3. Klikńće z prawej tastu na „Prawa strona“ w lisćinje předłohow strony a wubjerće Změnić.

4. Klikńće w dialogu Předłohi strony na rajtark Hłowowa linka.

5. Wubjerće Hłowowu linku zapinać a klikńće na rajtark Rjadować.

6. Wubjerće w polu Přichodna předłoha „Lěwa strona“.

7. Klikńće na W porjadku.

8. Klikńće we woknje Předłohi z prawej tastu na „Lěwa strona“ w lisćinje předłohow strony a wubjerće Změnić.

9. Klikńće w dialogu Předłohi strony na rajtark Hłowowa linka.

10. Wubjerće Hłowowu linku zapinać a klikńće na rajtark Rjadować.

11. Wubjerće w polu Přichodna předłoha „Prawa strona“.

12. Klikńće na W porjadku.

13. Klikńće dwójce na „Prawa strona“ w lisćinje předłohow strony, zo byšće předłohu na aktualnu stronu nałožił.

14. Zapodajće tekst abo grafiku do hłowoweje linki za předłohu „Lěwa strona“. Po tym zo sće wašemu dokumentej přichodnu stronu přidał, zapodajće tekst abo grafiku do hłowoweje linki za předłohu „Prawa strona“.