Wo hłowowych a nohowych linkach

Hłowowe a nohowe linki su wobłuki na hornjej a delnjej kromje strony, hdźež móžeće tekst abo wobrazy zasadźić. Hłowowe a nohowe linki so aktualnej předłoze strony přidawaja. Kóžda strona, kotraž samsnu předłohu wužiwa, awtomatisce hłowowu abo nohowu linku dóstawa, kotruž přidawaće. Móžeće pola, na přikład čisła strony a nadpisma kapitlow do hłowowych a nohowych linkow w tekstowym dokumenće zasadźić.

• Zo byšće stronje hłowowu linku přidał, wubjerće Zasadźić – Hłowowa a nohowa linka – Hłowowa linka a potom předłohu strony za aktualnu stronu z podmenija.

• Zo byšće stronje nohowu linku přidał, wubjerće Zasadźić – Hłowowa a nohow linka – Nohowa linka a potom předłohu strony za aktualnu stronu z podmenija.

• Móžeće tež Format – Předłoha strony…, klikńće na rajtark Hłowowa linka abo Nohowa linka a wubjerće potom Hłowowu linku zapinać abo Nohowu linku zapinać. Wotstrońće hóčku z kontrolneho kašćika Samsny wobsah na lěwych a prawych stronach, jeli chceće rozdźělne hłowowe a nohowe linki za rune a njerune strony definować.

• Zo byšće rozdźělne hłowowe abo nohowe linki w swojim dokumenće wužiwał, dyrbiće je rozdźělnym předłoham strony přidać a potom předłohi na strony nałožić, hdźež chceće hłowowu abo nohowu linku zasadźić.

Hłowowe a nohowe linki w HTML-dokumentach

Někotre nastajenja hłowowych a nohowych linkow su tež za HTML-dokumenty k dispoziciji. Hłowowe a nohowe linki so přez HTML njepodpěruja eksportuja so město toho ze specialnymi značkami, zo bychu so we wobhladowaku pokazali. Hłowowe a nohowe linki so jenož w HTML-dokumentach eksportuja, jeli su w modusu Weblayout zmóžnjene. Hdyž dokument w LibreOffice znowa wočinjeće, so hłowowe a nohowe linki korektnje pokazuja, inkluziwnje pola, kotrež sće zasadźił.