Z globalnymi dokumentami a poddokumentami dźěłać

Globalny dokument wam zmóžnja, wulke dokumenty rjadować, na přikład knihu z wjele kapitlemi. Globalny dokument hodźi so jako kontejner za jednotliwe dataje LibreOffice Writer wobhladować. Jednotliwe dataje poddokumenty rěkaja.

Globalny dokument wutworić

1. Wuwjedźće jednu ze slědowacych akcijow:

• Wubjerće Dataja – Nowy – Globalny dokument.

• Wočińće eksistowacy dokument a wubjerće Dataja – Pósłać – Globalny dokument wutworić.

2. Jeli nowy globalny dokument wutworjeće, měł prěni zapisk w Nawigatorje zapisk Tekst być. Zapodajće nawod abo trochu teksta. To zawěsćuje, zo, pot ym zo sće eksistowacu předłohu w globalnym dokumenće wobdźěłał, změnjenu předłohu widźiće, hdyž sej poddokumenty wobhladujeće.

3. Klikńće w Nawigatorje za globalne dokumenty na symbol Zasadźić, dźeržće jón stłóčeny a čińće tole:

• Zo byšće eksistowacu dataju jako poddokumenty zasadźił, wubjerće Dataja, pytajće dataju, kotruž chceće zasadźić a klikńće potom na Wočinić.

• Zo byšće nowy poddokument wutworił, wubjerće Nowy dokument, zapodajće mjeno za dataju a klikńće potom na Składować.

• Zo byšće tekst mjez poddokumentami zasadźił, wubjerće Tekst. Zapodajće potom tekst. Njemóžeće tekst pódla eksistowaceho tekstoweho zapiska w Nawigatorje zasadźić.

4. Wubjerće Dataja – Składować.

Globalny dokument wobdźěłać

Wužiwajće Nawigator, zo byšće poddokumenty w globalnym dokumenće přerjadował a wobdźěłał.

• Zo byšće poddokument za wobdźěłanje wočinił, klikńće dwójce na mjeno poddokumenta w Nawigatorje.

• Zo byšće poddokument z globalneho dokumenta wotstronił, klikńće z prawej tastu na poddokument w lisćinje Nawigatora a wubjerće Zhašeć. Dataja poddokumenta so njezhaša, jenož zapisk w Nawigatorje so wotstroni.

• Zo byšće globalnemu dokumentej tekst přidał, klikńće z prawej tastu na zapisk w lisćinje Nawigatora a wubjerće potom Zasadźić – Tekst. Tekstowy wotrězk so před wubranym zapiskom w globalnym dokumenće zasadźi, hdźež móžeće požadany tekst zapodać. Njemóžeće tekst do eksistowaceho tekstoweho zapiska w Nawigatorje zasadźić.

• Zo byšće poddokumenty w globalnym dokumenće přerjadował, ćehńće poddokument do noweho městna w lisćinje Nawigatora. Móžeće tež poddokument w lisćinje wubrać, a klikńće na symbol Dele abo Horje.

• Zo byšće zapis přidał, n přikład zapis wobsaha, klikńće z prawej tastu w lisćinje Nawigatora a wubjerće potom Zasadźić – Zapis.

Kóždy poddokument na nowej stronje započeć

1. Zawěsćće, zo so kóždy poddokument z nadpismom započina, kotrež samsnu wotstawkowu předłohu wužiwa, na přikład „Nadpismo 1“.

2. Wubjerće w globalnym dokumenće Napohlad – Formatowe předłohi a klikńće na symbol Wotstawkowe předłohi.

3. Klikńće z prawej tastu na „Nadpismo 1“ a wubjerće Změnić….

4. Klikńće na rajtark Wobběh.

5. Wubjerće we wobłuku Łamanja Zasadźić a potom „Strona“ z pola Typ.

6. Jeli chceće kóždy poddokument na njerunej stronje započeć, wubjerće Z předłohu strony a potom w polu „Prawa strona“.

7. Klikńće na W porjadku.

Globalny dokument eksportować

1. Wubjerće Dataja – Eksportować….

2. Wubjerće w lisćinje Dateityp datajowy format tekstoweho dokumenta a klikńće na Speichern. (němski Windows Explorer)