Formowy list wutworić
Zo byšće formowy list wutworił, trjebaće tekstowy dokument, kotryž pola za adresowe daty a adresowu datowu banku. Potom kombinujeće abo zjednoćujeće adresowe daty a tekstowy dokument, zo byšće pak listy ćišćał pak je přez e-mejl pósłał.
Jeli dokument je w formaće HTML, so zasadźene abo wotkazane wobrazy přez e-mejl njesćelu.
Asistent serijoweho lista wam pomha, formowe listy wutworić.
Formowy list wutworić
-
Wubjerće Nastroje – Asistent serijoweho ćišća….
Dialog asistenta serijoweho lista so pokazuje. Slědowace je přikład za jednu z wjele móžnosćow, zo byšće strony asistenta nawigěrował:
-
Wubjerće Z předłohu započeć a klikńće na tłóčatko Přepytać.
Widźiće dialog Nowy.
-
Wubjerće Wobchodniska korespondenca w lěwej lisćinje a potom Moderny wobchodniski list w prawej lisćinje. Klikńće na W porjadku, zo byšće dialog Předłohi začinił a potom na Dale w asistenće.
-
Wubjerće List a klikńće na Dale.
-
Klikńće w přichodnym kroku asistenta na tłóčatko Adresowu lisćinu wubrać…, zo byšće přepruwował, hač prawu adresowu lisćinu wužiwaće. Jeli chceće adresowy blok wužiwać, wubjerće typ adresoweho bloka, markěrujće datowe pola jeli trjeba, a klikńće na Dale.
-
Přichodny krok je Narěčenje wutworić. Znjemóžńće kontrolny kašćik Personalizowane narěčenje zasadźić. Wubjerće pod Powšitkowne narěčenje narěčenje, kotrež ma horjeka na wšěch listach być.
-
Jeli chceće pola serijoweho lista něhdźe w dokumenće placěrować, wubjerće wotpowědnu špaltu w swojim žórle adresowych datow a ćehńće a pušćće potom špaltowu hłowu do dokumenta, hdźež polo ma być. Wubjerće cyłu špaltu.
-
Klikńće na Dale a skónčnje na Dokónčić, zo byšće serijowy list wutworił.