Čisła strony w nohowych linkach zasadźić

Móžeće lochko polo z čisłom strony do nohoweje linki swojeho dokumenta zasadźić. Najlóša móžnosć je, dialog Zasadźić – Čisło strony wužiwać. Slědowaca procedura manuelnu metodu wopisuje. Móžeće tež nohowej lince ličbu stronow přidać, na přikład w formje „Strona 9 z 12“.

Čisło strony zasadźić

1. Jeli trěbna předłoha strony hišće nohowu linku nima, wubjerće Zasadźić – Hłowowa a nohowa linka – Nohowa linka a wubjerće předłohu strony, kotruž chceće nohowej lince přidać; to kursor awtomatisce do nowo přidateje nohoweje linki staja. Jeli předłoha hižo nohowu linku měješe, klikńće dwójce na wobłuk nohoweje linki, zo byšće tam kursor stajił.

2. Wubjerće Zasadźić – Polo – Čisło strony.

Jeli chceće, móžeće polo čisła strony kaž tekst wusměrić.

Ličbu stronow přidać

1. Klikńće před polo čisła strony typa Strona a zapodajće mjezotu; klikńće za polom, zapodajće mjezotu a potom z a zapodajće dalšu mjezotu.

2. Wubjerće Zasadźić – Polo – Ličba stronow.

Titulnu stronu wužiwać

Titulne strony su rozšěrjena móžnosć, z kotrejž móžeće dokumenty z rozdźělnymi šemami čisłowanja wutworić.