Wo polach

Pola so za daty wužiwaja, kotrež so w dokumenće měnjeja, na přikład aktualny datum abo cyłkowna ličba stronow w dokumenće.

Pola pokazać

Pola so z pólneho mjena a pólneho wobsaha zestajeja. Zo byšće pólne pokazanje mjez pólnym mjenom abo pólnym wobsahom přepinał, wubjerće Napohlad – Pólne mjena.

Zo byšće pólne wuzběhnjenje w dokumenće pokazał abo schował, wubjerće Napohlad – Pólne wotsćiny. Zo byšće tutu funkciju na přeco znjemóžnił, wubjerće – LibreOffice – Nałoženske barby a wotstrońće hóčku z kontrolneho kašćika před Pólne wotsćiny.

Zo byšće barbu pólnych wotsćinow změnił, wubjerće – LibreOffice – Nałoženske barby, pytajće nastajenje Pólne wotsćiny a wubjerće potom druhu barbu w polu Barbne nastajenje.

Pólne kajkosće

Najwjace pólnych typow w dokumenće, mjez nimi pola datoweje banki, wariabelne hódnoty składuje a pokazuje.

Slědowace pólne typy akciju wuwjedu, hdyž na polo klikaće:

Pólny typ	Kajkosć
Zastupnik	Wočinja dialog, w kotrymž móžeće objekt zasadźić, kotryž zastupnikej wotpowěduje, nimo tekstowych zastupnikow. Za tekstowe zastupniki klikaće na zastupnik a přepisajće jón.
Referencu zasadźić	Pohibuje pokazowak myški k referency.
Makro wuwjesć	Wuwjedźe makro.
Zapodawanske polo	Wočinja dialog za wobdźěłowanje pola.

Pola aktualizować

Zo byšće wšě pola w dokumenće aktualizował, tłóčće F9 abo wubjerće Wobdźěłać – Wšě wubrać a tłóčće potom F9.

Zo byšće polo aktualizował, kotrež je so z datoweje banki zasadźiło, wubjerće polo a tłóčće potom F9.