Wotměnjate předłohi strony na runych a njerunych stronach
LibreOffice móže wotměnjate předłohi strony awtomatisce na rune (lěwe) a njerune (prawe) strony we wašim dokumenće nałožić. Móžeće na přikład předłohi strony wužiwać, zo byšće hłowowe a nohowe linki na runych a njerunych stronach pokazał. Aktualna předłoha strony so deleka w statusowej lajsće w dźěłowym wobwodźe pokazuje.
Wotměnjate předłohi strony konfigurować
-
Wubjerće a klikńće potom na symbol .
-
Klikńće w lisćinje předłohow strony z prawej tastu na „Lěwa strona“ a wubjerće Změnić.
-
Klikńće na rajtark Rjadować.
-
Wubjerće „Prawa strona“ w polu Přichodna předłoha a klikńće potom na W porjadku.
-
Klikńće w lisćinje předłohow strony z prawej tastu na „Prawa strona“ a wubjerće Změnić.
-
Wubjerće „Lěwa strona“ w polu Přichodna předłoha a klikńće potom na W porjadku.
-
Dźiće k prěnjej stronje w swojim dokumenće klikńće dwójce na „Prawa strona“ w lisćinje předłohow strony we woknje Předłohi.
Zo byšće jednej z předłohow strony hłowowu linku přidał, wubjerće a potom předłohu strony, kotrejž chceće hłowowu linku přidać. Zapodajće we wobłuku hłowoweje linki tekst, kotryž chceće jako hłowowu linku wužiwać.
Zo byšće jednej z předłohow strony nohowu linku přidał, wubjerće a potom předłohu strony, kotrejž chceće nohowu linku přidać. Zapodajće we wobłuku nohoweje linki tekst, kotryž chceće jako nohowu linku wužiwać.
Jeli nochceće, zo so hłowowa linka abo nohowa linka na titulnej stronje wašeho dokumenta jewi, připokazajće titulnej stronje předłohu „Prěnja strona“.
Ćišćenje prózdnych stronow potłóčić
Jeli dwě runej abo dwě njerunej stronje direktnje jedna na druhu w dokumenće slědujetej, budźe Writer po standardźe prózdnu stronu zasadźić. Móžeće tomu zadźěwać, zo so tute awtomatisce generěrowane prózdne strony ćišća a do PDF eksportuja.
-
Wubjerće LibreOffice – NastajenjaNastroje – Nastajenja… – LibreOffice Writer – Ćišćeć.
-
Wotstrońće hóčku z kašćika Awtomatisce zasadźene prózdne strony ćišćeć.