Popisam nadpismowe čisła přidać

Móžeće nadpismowe čisła do popisow zasadźić.

Zawěsćće, zo waš dokument ma nadpisma. Móžeće předdefinowane wotstawkowe předłohi „Nadpismo [1–10]“ wužiwać. Dyrbiće tež nadpismowym wotstawkowym předłoham čisłowansku šemu připokazać. Wužiwajće Nastroje – Nadpismowe čisłowanje….

1. Wubjerće objekt, kotryž ma popis dóstać.

2. Wubjerće Zasadźić – Popis….

3. Wubjerće typ popisa z pola Kategorija a wubjerće čisłowansku šemu w polu Čisłowanje. Móžeće na přeće tekst popisa do pola Popis zapodać.

4. Klikńće na Nastajenja….

5. Wubjerće w polu Hač do runiny rozrjadowansku runinu nadpismoweho čisła, kotraž so ma před čisłom popisa pokazać.

6. Zapodajće znamješko, kotrež so ma mjez čisłom nadpisma a čisłom popisa w polu Dźělatko zjewić a klikńće potom na W porjadku.

7. Klikńće w dialogu Popis na W porjadku.

Jeli popis je hižo do dokumenta zasadźeny, klikńće z prawej tastu na čisło popisa, wubjerće Pola wobdźěłać a zapodajće potom hódnoty za Hač do runiny a Dźělatko.