Wuslědk tabeloweho wuličenja w druhej tabeli pokazać

Móžeće wuličenje z celemi w jednej tabeli přewjesć a wuslědk w druhej tabeli pokazać.

1. Wočińće tekstowy dokument, zasadźće tabelu z wjacorymi špaltami a linkami a zasadźće potom druhu tabeli, kotraž jenož jednu celu ma.

2. Zapodajće ličby do někotrych celow wulkeje tabele.

3. Stajće kursor do tabele z jednotliwej celu a tłóčće potom F2.

4. Zapodajće w formlowej lajsće funkciju, kotruž chceće přewjesć, na přikład =SUMA.

5. Klikńće do cele we wjetšej tabeli, kotraž ličbu wobsahuje, tłóčće plusowe znamješko (+) a potom do druheje cele, kotraž ličbu wobsahuje.

6. Tłóčće Enter.