Swójske ramiki w tekstowych dokumentach

Móžeće wjele rozdźělnych celowych ramikow na wubrane cele w tabeli Writer a na cyłu tabelu nałožić. Druhe objekty w tekstowych dokumentach móža tež swójske ramiki měć. Móžeće na přikład předłoham strony, wobłukam a zasadźenym wobrazam abo diagramam ramiki připokazać.

1. Wubjerće celu abo celowy blok w tabeli Writer.

2. Wubjerće Tabela – Kajkosće….

3. Klikńće w dialogu na rajtark Ramiki.

4. Wubjerće ramikowe nastajenja, kotrež chceće nałožić a klikńće na W porjadku.

Nastajenja we wobłuku Linijowy porjad dadźa so wužiwać, zo byšće wjacore ramikowe stile nałožił.

Wuběr celow

Wotwisujo wot wuběra celow wobłuk hinak wupada.

Wuběr	Linijowy porjad (wobłuk)
Jedna wubrana cela, kotraž ma wjace hač jedna cela, abo kursor w tabeli bjez wubraneje cele
Tabela z jednej celu, cela je wubrana
Cele we wubranej špalće
Cele we wubranej lince
Cyła tabela z 2 x 2 abo wjace wubranymi celemi

Standardne nastajenja

Klikńće na jedyn ze symbolow pod Přednastajenja, zo byšće wjacore ramiki nastajił abo wróćo stajił.

• Ćeńke šěre linije w symbolu ramiki pokazuja, kotrež so wróćo stajeja abo zhašeja.

• Ćmowe linije w symbolu linije pokazuja, kotrež so z wubranym linijowy stilom a wubranej barbu nastajeja.

• Tołste šěre linije w symbolu linije pokazuja, kotrež so njeměnjeja.

Přikłady

Wubjerće blok 8 x 8 celow a potom Tabela – Kajkosće… – rajtark: Ramiki.

• Klikńće na lěwy symbol, zo byšće wšě linije zhašał. To wšě wonkowne a wšě nutřkowne linije wotstroni.

• Klikńće na druhi symbol wotlěwa, zo byšće wonkowny ramik nastajił a wšě druhe linije wotstronił.

• Klikńće na symbol naprawo wonka, zo byšće wonkowny ramik nastajił. Nutřkowne linije so njeměnjeja.

Nětko móžeće wupruwować, kotre linije druhe symbole nastajeja abo wotstronjeja.

Swójske nastajenja

We wobłuku Swójski móžeće kliknyć, zo byšće jednotliwe linije přidał abo wotstronił. Přehlad linije w třoch rozdźělnych stawach pokazuje.

Klikńće wospjet na kromu abo róžk, zo byšće tři rozdźělne stawy přeběžał.

Linijowe typy	Wobraz	Woznam
Čorna linija		Čorna linija wotpowědnu liniju wubranych celow nastaja. Linija so jako dypkowana linija pokazuje, hdyž linijowy stil 0,05 pt wuběraće. Dwójne linije so pokazuja, hdyž stil dwójneje linije wuběraće.
Šěra linija		Šěra linija so pokazuje, hdyž so wotpowědna linija wubranych celow njeměnja. Linija so na tutej poziciji njepřidawa abo njewotstronja.
Běła linija		Běła linija so pokazuje, hdyž so wotpowědna linija wubranych celow wotstronja.

Přikłady

1. Wubjerće jednotliwu celu w tabeli Writer a wubjerće potom Tabela – Kajkosće… – Ramiki.

2. Wubjerće tołsty linijowy stil.

3. Zo byšće delni ramik nastajił, klikńće wospjet na delnju kromu, doniž tołstu liniju njewidźiće.