Ramiki za objekty definować

We Writer móžeće ramiki wokoło OLE-objektow, tykačow, diagramow, grafikow a wobłukow definować. Mjeno menija, kotryž so ma wužiwać, wot wubraneho objekta wotwisuje.

Předdefinowany ramikowy stil nastajić

1. Wubjerće objekt, za kotryž chceće ramik definować.

2. Klikńće na symbol Ramiki na symbolowej lajsće OLE-objekt abo na symbolowej lajsće Wobłuk, zo byšće wokno Ramiki wočinił.

3. Klikńće na jedyn z předdefinowanych ramikowych stilow. To aktualny ramikowy stil objekta z wubranym stilom wuměni.

Swójski ramikowy stil nastajić

1. Wubjerće objekt, za kotryž chceće ramik definować.

2. Wubjerće Format – (objektowe mjeno) – Ramiki.
   Wuměńće (objektowe mjeno) z tuchwilnym mjenom objektoweho typa, kotryž sće wubrał.

3. Wubjerće we wobłuku Swójski kromy, hdźež maja so w zhromadnym wuhotowanju zjewić. Klikńće na kromu w přehledźe, zo byšće wuběr kromy přepinał.

4. Wubjerće linijowy stil a barbu za wubrany ramikowy stil we wobłuku Linija. Tute nastajenja so na wšě ramikowe linije nałožuja, kotrež su we wubranym ramikowym stilu wobsahowane.

5. Wospjetujće poslednjej dwaj krokaj za kóždu ramikowu kromu.

6. Wubjerće wotstup mjez ramikowymi linijemi a wobsahom strony we wobłuku Nutřkowny wotstrup.

7. Klikńće na W porjadku, zo byšće změny nałožił.