Pozadkowe barby abo pozadkowe wobrazy definować
Móžeće pozadkowu barbu definować abo wobraz jako pozadk za wšelake objekty w LibreOffice Writer wužiwać.
Pozadk na tekstowe znamješka nałožić
-
Wubjerće znamješka.
-
Wubjerće .
-
Klikńće na rajtark Wuzběhnjenje a wubjerće pozadkowu barbu.
Pozadk na wotstawk nałožić
-
Stajće kursor do wotstawka abo wubjerće wjacore wotstawki.
-
Wubjerće Format – Wotstawk….
-
Wubjerće na rajtarku Płonina pozadkowu barbu abo pozadkowy wobraz.
Zo byšće objekt w pozadku wubrał, dźeržće tastu cmd ⌘Strg stłóčenu a klikńće na objekt. Abo wužiwaće Nawigator, zo byšće objekt wubrał.
Pozadk na cyłu tabelu abo na dźěl tabele nałožić
-
Stajće kursor do tabele w swojim tekstowym dokumenće.
-
Wubjerće .
-
Wubjerće na rajtarku Pozadk pozadkowu barbu abo pozadkowy wobraz.
-
Wubjerće w polu Za, hač so ma barba abo wobraz na aktualnu celu, aktualnu linku abo cyłu tabelu nałožić. Jeli wjacore cele abo linki wuběraće, prjedy hač dialog wočinjeće, so změna na wuběr nałoži.
Móžeće tež symbol wužiwać, zo byšće pozadk na dźěle tabele nałožił.
Zo byšće pozadkowu barbu na cele nałožił, wubjerće cele a wužiwajće wuběransku lisćinu tłóčatka Pozadkowa barba tabeloweje cele w symbolowej lajsće Tabela.
Zo byšće pozadkowu barbu na tekstowy wotstawk w celi nałožił, stajće kursor do tekstoweho wotstawka a wužiwajće wuběransku lisćinu tłóčatka Pozadkowa barba w symbolowej lajsće Formatěrowanje.