Awtomatiski tekst wužiwać

W LibreOffice Writer móžeće tež tekst – móže tež grafiki, tabele a pola wobsahować – jako awtomatiski tekst składować, zo byšće móžeće tekst pozdźišo spěšnje zasadźić. Jeli chceće, móžeće tež sformatěrowany tekst składować.

Zapisk awtomatiskeho teksta wutworić

1. Wubjerće tekst, tekst z grafikami, tabelu abo polom, kotryž chceće jako zapisk awtomatiskeho teksta składować. Grafika da so jenož składować, jeli je jako znamješko zakótwjena a je znajmjeńša na kóždym boku přez tekstowe znamješko wobdata.

2. Wubjerće Nastroje – Awtomatiski tekst….

3. Wubjerće kategoriju, w kotrejž chceće awtomatiski tekst składować.

4. Zapodajće mjeno, kotrež je dlěše hač štyri znamješka. To wam zmóžnja, nastajenje awtomatiskeho teksta Při zapodaću zbytk mjena jako namjet pokazać. Jeli chceće, móžeće namjetowanu tastowu skrótšenku změnić.

5. Klikńće na tłóčatko Awtomatiski tekst a wubjerće potom Nowy.

6. Klikńće na tłóčatko Začinić.

Zapisk awtomatiskeho teksta zasadźić

1. Klikńće w swojim dokumenće tam, hdźež chceće zapisk awtomatiskeho teksta zasadźić.

2. Wubjerće Nastroje – Awtomatiski tekst….

3. Wubjerće awtomatiski tekst, kotryž chceće zasadźić a klikńće potom na Zasadźić.

Móžeće tež tastowu skrótšenku za zapisk awtomatiskeho teksta zapodać a potom F3 tłóčić, abo na šipk pódla symbola Awtomatiski tekst na symbolowej lajsće Zasadźić kliknyć a potom zapisk awtomatiskeho teksta wubrać.

Lisćinu zapiskow awtomatiskeho teksta ćišćeć

1. Wubjerće Nastroje – Makra – Makra rjadować – LibreOffice Basic….

2. Wubjerće w dialogu Makro Basic w štomowym polu Makro z „Nałoženske Makra – Gimmicks – Awtomatiski tekst“.

3. Wubjerće „Main“ w lisćinje Eksistowace makra w: AutoText a klikńće potom na Wuwjesć. Lisćina aktualnych zapiskow awtomatiskeho teksta so w separatnym tekstowym dokumenće generěruje.

4. Wubjerće Dataja – Ćišćeć….

Awtomatiski tekst w syćach

Móžeće zapiski awtomatiskeho teksta w rozdźělnych zapisach w syći składować.

Na přikład móžeće přećiwo pisanju škitane zapiski awtomatiskeho teksta za swoje předewzaće na centralnym serwerje składować, a swójske zapiski awtomatiskeho teksta w lokalnym zapisu.

Šćežki za zapisy awtomatiskeho teksta dadźa so w konfiguraciji wobdźěłać.

Dwaj zapisaj stej tu nalistowanej. Prěni zapisk je na serwerowej instalaciji a druhi zapisk je we wužiwarskim zapisu. Jeli su zapiski ze samsnym mjeno we woběmaj zapisomaj, so zapisk z wužiwarskeho zapisa wužiwa.